Plans e actuacións

label.Actuacion.eventos

Ten dispoñibles para consulta 13 actuacións da área temática Cultura e ocio :
  • 1 (página actual)
  • 2

C. de Cultura e Turismo

Plan Estratéxico do Xacobeo 2021

Este plan, froito dun amplo proceso participativo para a súa elaboración, establece os eixes estratéxicos e os programas de acción cara ao Xacobeo 2021, evento singular e único que, poñendo en valor o Camiño e a cultura xacobea, vai vertebrar á sociedade galega e darlle visibilidade no exterior, incidindo positivamente nos desafíos que asume Galicia para a próxima década.


C. de Cultura e Turismo

Plan de accesibilidade turística de Galicia e do Camiño de Santiago 2016-2019

O Plan de accesibilidade turística de Galicia e do Camiño de Santiago, impulsado pola Xunta de Galicia a través de Turismo de Galicia, ten como obxecto impulsar un conxunto de iniciativas para a mellora do turismo accesible en Galicia nos próximos anos, partindo dun traballo de análise en profundidade da situación actual.
 


C. de Cultura e Turismo

Estratexia 2020 do Turismo de Galicia

A Estratexia nace da necesidade de mellora da competitividade do noso turismo, o cal pretende posicionarse coma sector clave da economía galega, sendo precisa a colaboración dos eidos público e privado para o seu impulso, coordinación, xestión, promoción, ordenación, innovación e internacionalización.


C. de Cultura e Turismo

Plan de Turismo Termal 2014-2020

Esta estratexia para o desenvolvemento do turismo termal nos anos 2014-2020 ten como obxectivo central poñer en valor turístico os recursos naturais e culturais de Ourense, estruturando a oferta, os recursos e os servizos de tal xeito que conduzan á creación do destino Ourense, Provincia Termal.


C. de Cultura e Turismo

Smart Turismo - Plan de desenvolvemento das TIC no eido do Turismo

Smart Turismo xurde da necesidade de que a innovación e a tecnoloxía sexan os factores vertebradores e eixes da modernización do sector turístico de Galicia, xa que este é un sector con capacidade de se converter nun dos motores do desenvolvemento económico, creación de emprego e crecemento económico.


C. de Economía, Emprego e Industria

Plan de Artesanía de Galicia

O Plan de Artesanía de Galicia 2014 – 2016 ten por obxectivo fundamental o de desenvolver unha estratexia de promoción, impulso e mellora da competitividade do sector da artesanía galega. O Plan configúrase como unha estratexia específica para Artesanía de Galicia. Conta na súa elaboración coa participación do propio sector e as súas achegas para alcanzar a mellor folla de ruta a seguir.


C. de Cultura e Turismo

Plan Integral de Turismo de Galicia 2014-2016

A modo de estratexia colectiva para consolidar a Comunidade nos mercados nacionais e internacionais, este plan integral identifica as grandes fortalezas de Galicia para competir como destino único: riqueza natural, calidade das augas termais e da gastronomía, o Camiño de Santiago e o patrimonio artístico e cultural.


C. de Cultura e Turismo

Plan Estratéxico da Cidade da Cultura 2012-2018

O Plan Estratéxico do Gaiás define catro obxectivos estratéxicos que están relacionados coa idea de que o complexo arquitectónico debe ser o lugar de encontro dos axentes públicos e privados que asuman o reto de acadar para a comunidade un novo modelo de desenvolvemento baseado na cultura, a creatividade, a innovación e a conectividade exterior.


A Presidencia da Xunta

Plan Galego para o Fomento da Actividade Física Galicia Saudable

Galicia Saudable é un plan a través do cal se pretende crear as condicións para que todas as persoas da nosa comunidade poidan adoptar un estilo de vida activo que favoreza a súa saúde. Está impulsado pola Presidencia da Xunta, a través da Secretaría Xeral para o Deporte, co respaldo científico e técnico de persoas expertas en actividade física.


C. de Cultura e Turismo

Plan de enogastronomía de Galicia

Este plan ten como obxecto fundamental definir as estratexias e accións que impulsen o produto gastronómico e o enoturismo en Galicia, impulsando a competitividade deste sector e desenvolvendo produtos turísticos de calidade baseados na identidade do territorio e vinculados á súa tradición culinaria.

  • 1 (página actual)
  • 2