Este programa responde á necesidade de que as entidades integrantes do sector público autonómico de Galicia realicen unha planificación xeral da súa xestión e de toda a súa actividade para lograr, en definitiva, unha mellora dos servizos públicos que prestan.

O Plan de inspección Ecommerce da Xunta de Galicia para o ano 2021 está dirixido a comprobar, a través da análise de inspección das páxinas web, o grao de cumprimento da legalidade vixente en materia de consumo.

Plan de dinamización da área de rexeneración urbana de interese autonómico (Área Rexurbe) de Mondoñedo, un instrumento de planificación plurianual no que se integran actuacións a nivel arquitectónico, dirixidas a fomentar as políticas de rehabilitación e a mellora do espazo público, con outras desde o punto de vista económico, demográfico e social.

Este plan responde ao compromiso da Xunta de Galicia de avanzar na consolidación dos principios de boa administración e de calidade na prestación dos servizos públicos á cidadanía.

Con este plan preténdese proporcionar aos/ás peregrinos/as que cheguen a Galicia polas diferentes rutas xacobeas a atención continua in situ que poidan demandar en aquelas situacións de emerxencia nas que precisen axuda, facilitándose mediante os dispositivos ordinarios de atención ás emerxencias co apoio do voluntariado de protección civil.

Plan de inspección de servizos sociais para 2021 sobre todas as entidades, centros, programas e servizos que desenvolven actividades de servizos sociais na Comunidade Autónoma de Galicia. Así mesmo, inclúese a avaliación da actividade de inspección no devandito ámbito no ano 2020.

Este plan de inspección urbanística ten por obxecto determinar os obxectivos principais e as actuacións prioritarias da Axencia de Protección da Legalidade Urbanística coa finalidade de mellorar a calidade e a eficacia da disciplina urbanística ao servizo da cidadanía e de garantir a obxectividade e a imparcialidade na actuación da Axencia.