Por Orde do 31 de xullo de 2001 (DOG do 23 de agosto), convócase concurso público para a realización de dous proxectos de investigación relativos ós centros de educación non universitaria.

As solicitudes admitidas para participar neste concurso foron estudiadas pola comisión de selección nomeada segundo o previsto no artigo 4 da citada Orde do 31 de xullo.

Na súa virtude, atendendo á proposta elaborada pola citada comisión

RESOLVEMOS:

Primeiro.-Concederlles axudas para a realización de dous proxectos de investigación ás persoas que

se relacionan no anexo a esta resolución, e na contía e anualidades que en cada caso se sinalan.

Segundo.-As axudas que se relacionan no anexo comprenden a totalidade da axuda necesaria para a realización do correspondente proxecto de investigación, incrementada nun 10% destinado ós gastos institucionais que a súa execución lle supón ó organismo ó que pertence o investigador responsable.

Terceiro.-As subvencións de que se trata faranse efectivas mediante libramento único, por cada anualidade e a través da Universidade de Santiago de Compostela, logo de presentación das correspondentes certificacións de gasto e de acordo coa normativa vixente.

Cuarto.-A inobservancia por parte dos beneficiarios de calquera das bases establecidas na orde de convocatoria do 31 de xullo de 2001 suporá a perda do dereito a percibi-la subvención correspondente.

Quinto.-Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes, contado a partir do día seguinte ó da publicación desta resolución no Diario Oficial de Galicia. De non esti

ma-la interposición deste recurso, poderán interpoñer recurso contencioso-administrativo perante o Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 6 de novembro de 2001.

Jaime Pita VarelaCelso Currás Fernández

Conselleiro da PresidenciaConselleiro de Educación

e Administración Públicae Ordenación Universitaria

ANEXO

Investigador principal: Miguel Santos Rego.

Organismo: Universidade de Santiago de Compostela.

Código: PGIDT01EDU24101PR.

Título do proxecto: a investigación educativa en Galicia (proxecto A).

Ano 2001: 4.000.000 de pesetas.

Ano 2002: 4.000.000 de pesetas.

Total: 8.000.000 de pesetas.

Persoal: si.

Investigador principal: Miguel Zabalza Beraza.

Organismo: Universidade de Santiago de Compostela.

Código: PGIDT01EDU21401PR.

Título do proxecto: a educación especial en Galicia. Análise da situación actual e proposta de futuro (proxecto B).

Ano 2001: 2.000.000 de pesetas.

Ano 2002: 2.000.000 de pesetas.

Total: 4.000.000 de pesetas.

Persoal: non.