En virtude das competencias que me corresponden conforme o artigo 9 do Regulamento de réxime interior do Consello de Contas,
RESOLVO:
Facer público o acordo do Pleno do Consello de Contas de Galicia do 28 de marzo de 2012 polo que se aproba a creación do ficheiro de datos de carácter persoal que se relaciona no anexo, así como a súa publicación no Diario Oficial de Galicia, para a súa posterior inscrición no Rexistro da Axencia Española de Protección de Datos.
Acordo:
1. Obxecto.
Créase o ficheiro de datos de carácter persoal xestionado polo Consello de Contas de Galicia, no ámbito de aplicación da Lei orgánica 15/1999, do 13 de decembro, de protección de datos de carácter persoal, que se relaciona no anexo desta resolución.
2. Contido.
A información exixida no artigo 20.2.º da Lei orgánica 15/1999, do 13 de decembro, de protección de datos de carácter persoal, para as disposicións de creación do ficheiro, está contida no anexo deste acordo.
3. Finalidade e uso do ficheiro.
Os datos de carácter persoal rexistrados no ficheiro creado polo presente acordo só serán utilizados para os fins expresamente previstos no anexo e polo persoal debidamente autorizado.
4. Cesión de datos.
Os datos deste ficheiro só poderán ser cedidos aos órganos xudiciais e a outras autoridades públicas nos supostos e nos termos previstos no ordenamento xurídico, así como aos destinatarios indicados no anexo.
5. Órgano responsable da seguranza do ficheiro.
Será responsable da seguranza do ficheiro a Secretaría Xeral do Consello de Contas de Galicia, sen prexuízo da responsabilidade directa que na xestión e custodia daquel teña o persoal dos correspondentes servizos e unidades do Consello de Contas.
6. Medidas de seguranza.
As medidas de seguranza do ficheiro serán as de nivel básico, salvo que expresamente se dispoña o contrario no anexo.
7. Dereito de oposición, acceso, rectificación e cancelación de datos.
As persoas poderán exercer os seus dereitos de acceso, rectificación, oposición e cancelación de datos, cando proceda, mediante escrito dirixido á Secretaría Xeral do Consello de Contas, no enderezo Domingo Fontán n.º 7, 15771 Santiago de Compostela.
Disposición derradeira única. Entrada en vigor.
Este acordo entrará en vigor o día seguinte ao da súa publicación no Diario Oficial de Galicia.
Santiago de Compostela, 4 de abril de 2012.
Luciano Fariña Busto
Conselleiro maior do Consello de Contas de Galicia
ANEXO
Ficheiro de nova creación.
Nome do ficheiro: Control horario.
Descrición da finalidade: xestión e arquivo do cumprimento do horario por parte do persoal do Consello de Contas.
Responsable do ficheiro: Secretaría Xeral.
Colectivo afectado: persoal que forma ou formou parte do Consello de Contas de Galicia.
Estrutura básica do ficheiro: DNI; nome e apelidos; datos relativos ao posto de traballo; horas de fichaxe de entrada/saída e causas de exención de fichaxe.
Procedemento de recolla de datos: o propio interesado mediante carga de datos procedentes de dispositivos fixos de captura.
Cesión abranguida:
Nivel de seguranza: básico.
Lugar de exercicio de dereitos: Domingo Fontán n.º 7, 15771 Santiago de Compostela.
Sistema de tratamento: automatizado.
