1. Entidade que adxudica: Instituto Municipal dos Deportes de Vigo.

2. Obxecto do contrato:

Descrición: a prestación dos servizos técnicos e docentes de monitores e profesores para impartir as ensinanzas deportivas, o servizo de socorrismo, atención e control dos usuarios, así como os de limpeza, conservación, mantemento e vixiancia, nas piscinas cubertas das Travesas, Lavadores, Teis e Valadares e prestación dos servizos de profesionais técnico-docentes, monitores e profesores para impartir ensinanzas e actividades deportivas nos ximnasios das instalacións municipais do Berbés e das Travesas, así como o mantemento das máquinas de actividade físico-deportiva dos ximnasios.

Lugar de execución: Vigo.

Prazo: un ano e un ano de prórroga.

3. Tramitación, procedemento e forma de adxudicación.

Tramitación: urxente.

Procedemento: aberto.

4. Orzamento: prezo total anual do contrato 3.169.000,00 euros, con IVE (IVE 411.294,41 euros). Este importe desagrégase nunha parte fixa de 2.250.000,00 euros con IVE (IVE 343.220,34 euros) e nunha parte variable que, como máximo, será por hora/monitor-profesor para todas as actividades descritas nos pregos de prescricións 17,53 euros sen IVE e de 18,93 euros con IVE. Son 919,000,00 euros con IVE (IVE 68.074,07 euros).

5. Garantía provisional: non.

6. Obtención de documentación e información: Rexistro Xeral do Instituto Municipal dos Deportes de Vigo, avda. Castrelos, 1. 36210 Vigo. Teléfono 986 23 74 58, fax: 986 23 64 88. Páxina web Concello de Vigo: www.vigo.org

Data límite para solicitar documentación: ata o día de finalización do prazo de presentación de proposicións.

7. Requisitos específicos do contratista: non.

8. Presentación de ofertas:

Prazo: ata 8 (oito) días naturais desde o día da súa última publicación no Boletín Oficial da provincia de Pontevedra ou Diario Oficial de Galicia.

Documentación: a exixida na cláusula 12 do prego de cláusulas administrativas.

Lugar de presentación: véxase punto 6 do anuncio.

9. Apertura ofertas:

Entidade: a mesa de contratación do Instituto Municipal dos Deportes de Vigo. Cláusula 11 do prego de cláusulas administrativas.

10. Gastos anuncios: pagaraos o adxudicatario ata un importe máximo de 1.000,00 euros, punto 5.A da FEC.

Vigo, 9 de abril de 2012.

José Manuel Fernández Pérez
Presidente do Instituto Municipal dos Deportes de Vigo