Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: r/ Cidade De Viveiro, 4, 1º, 27002 Lugo.
Denominación: reforma OCR 12299 A Áspera.
Situación: concello de Xove.
Características técnicas:
Adecuación do centro de control existente OCR 12299 Áspera, consistente na instalación dunha nova cela de interruptor pasante motorizada e a recolocación de cinco das sete celas que integran actualmente o centro; adecúanse tamén as liñas que entran e saen do centro.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 15 de novembro de 2012
José Manuel Vázquez Leirado
Xefe territorial de Lugo