Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: BEGASA.
Domicilio social: r/ Cidade de Viveiro, 4-1º, 27002 Lugo.
Denominación: modificado de proxecto para CS para subministración eléctrica en Bidueira, estrada Sargadelos a San Cibrao.
Situación: concello de Cervo.
Características técnicas:
– Desprazamento dun tramo da LMTS cunha lonxitude de 12 metros, con orixe no CS proxectado e final no CTC (13614) Vivendas Sociais Cervo.
– LMTS a 20 kV, con orixe nun paso aéreo a soterrado situado nun apoio da LMT Espiñeirido e final no CS proxectado, cunha lonxitude de 32 metros en condutor tipo RHZ-240.
– LMTS a 20 kV, con orixe no CS proxectado e final nun paso aéreo a soterrado situado nun apoio da LMT Espiñeirido, cunha lonxitude de 32 metros en condutor tipo RHZ-240.
– CS en edificio prefabricado tipo PFU-4, no cal se instalan tres celas de liña, unha de servizos auxiliares e unha de protección homopolar.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 15 de novembro de 2012
José Manuel Vázquez Leirado
Xefe territorial de Lugo