En cumprimento do disposto no número 7 do artigo 7 da Lei 6/2007, do 11 de maio, de medidas urxentes en materia de ordenación do territorio e do litoral de Galicia, na cal se integran o procedemento de avaliación ambiental estratéxica, establecido na Lei 9/2006, do 28 de abril, e o procedemento de aprobación de planeamento urbanístico, establecido na Lei 9/2002, do 30 de decembro, faise pública a memoria ambiental correspondente ao procedemento de avaliación ambiental estratéxica, do 18 de febreiro de 2013, do Plan de sectorización do SAU-1, Concello de Moeche (A Coruña). Esta memoria ambiental pódese consultar no seguinte enderezo da internet: http://www.cmati.xunta.es/busca-por-palabra-clave, introducindo o código 0297/2007.
Santiago de Compostela, 18 de febreiro de 2013
Justo de Benito Basanta
Secretario xeral de Calidade e Avaliación Ambiental