Por medio da Orde do 11 de febreiro de 2013 (DOG nº 33, do 15 de febreiro) nomeáronse os/as vogais do Consello Reitor da Axencia Turismo de Galicia.

O nomeamento destes/as vogais e o dos/as seus/súas suplentes corresponde á persoa titular da Consellería de Presidencia, Administracións Públicas e Xustiza, logo de designación pola persoa titular da consellería que corresponda, entre os/as titulares dos seus órganos superiores ou de dirección, de conformidade co disposto no artigo 16 dos estatutos da Axencia Turismo de Galicia, aprobados polo Decreto 196/2012, do 27 de setembro.

O cesamento dalgún/dalgunha dos/as vogais do Consello Reitor como titulares de órganos superiores ou de dirección das consellerías a que representan fai necesario o nomeamento de novos/as vogais.

Polo exposto, e feitas as correspondentes propostas, en virtude das atribucións que me confire a Lei 1/1983, do 22 de febreiro, de normas reguladoras da Xunta e da súa Presidencia,

DISPOÑO:

Artigo único

Nomear vogais do Consello Reitor da Axencia Turismo de Galicia as seguintes persoas:

a) En representación da Consellería de Medio Ambiente, Territorio e Infraestruturas:

– Vogal titular: María del Camino Triguero Salas, directora xeral de Mobilidade.

b) En representación da Consellería de Traballo e Benestar:

– Vogal titular: María Jesús Lorenzana Somoza, secretaria xeral técnica.

– Vogal suplente: Mª Aránzazu Portabales Santomé, vicesecretaria xeral.

Santiago de Compostela, 11 de outubro de 2013

Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza