Vistos os expedientes instruídos para os efectos de transmisión das bateas Luis II e P.L. II e das concesións administrativas que as amparan, resulta:
a) Antecedentes de feito.
Primeiro. Mediante escritos do 30 de decembro de 2013, María Dolores Miniño Rosales (35305047-R) solicitou autorización para a transmisión das concesións das bateas Luis II e P.L. II.
Segundo. A interesada achegou a documentación requirida para a tramitación.
Terceiro. Os informes do Servizo de Protección dos Recursos sobre as características das bateas son favorables.
b) Fundamentos xurídicos.
Primeiro. Este órgano é competente para resolver os expedientes, de conformidade coa Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Resolución do 12 de abril de 2012, de delegación de sinatura en materia de acuicultura nos titulares das xefaturas de Coordinación da Área do Mar da Consellería do Medio Rural e do Mar.
Segundo. Os expedientes seguiron todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999, pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).
Vistas as disposicións citadas, a proposta de resolución elaborada polo Servizo de Recursos Mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería resolve:
Autorizar a transmisión inter vivos, a favor de José Luis Camiña Castro (35314151-C) e Beatriz Millán Coira (35459153-F), das concesións que se indican a continuación:
Identificación:
Tipo: batea.
Nome: Luis II.
Situación:
Cuadrícula número: 8.
Polígono: B.
Distrito: Portonovo (Pontevedra).
Especie autorizada: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 9.10.1951.
Remate da vixencia: 15.12.2019.
Actual titular: María Dolores Miniño Rosales (35305047-R).
Novos titulares: José Luis Camiña Castro (35314151-C) e Beatriz Millán Coira (35459153-F).
Identificación:
Tipo: batea.
Nome: P.L. II.
Situación:
Cuadrícula número: 49.
Polígono: A.
Distrito: Portonovo (Pontevedra).
Especie autorizada: mexillón (Mytilus galloprovincialis).
Título administrativo habilitante: concesión de actividade.
Orde de outorgamento: 28.9.1955.
Remate da vixencia: 15.12.2019.
Actual titular: María Dolores Miniño Rosales (35305047-R).
Novos titulares: José Luis Camiña Castro (35314151-C) e Beatriz Millán Coira (35459153-F).
Baixo as seguintes condicións:
Primeira. O actual titular deberá presentar no prazo máximo dun mes, contado desde o día seguinte ao da publicación desta orde no Diario Oficial de Galicia, orixinal ou fotocopia compulsada da seguinte documentación:
a) Documento notarial da transmisión ou doazón.
b) Solicitude ou carta de pagamento do imposto de transmisións patrimoniais ou documento de sucesións.
Segunda. Transcorrido o prazo indicado na condición primeira sen ter achegada a documentación requirida, a autorización quedará sen efecto, logo de comunicación por parte da consellería.
Terceira. Os novos titulares das concesións quedan subrogados nos dereitos e obrigas da anterior, desde o momento de formalización da compravenda en escritura pública.
Contra esta resolución, que esgota a vía administrativa, poderase interpoñer recurso potestativo de reposición, no prazo dun mes, ante a conselleira do Medio Rural e do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.
Vigo, 27 de xaneiro de 2014
P.D. (Resolución do 12.4.2012)
Sonia Lorenzo Santos
Xefa de Coordinación da Área do Mar de Vigo