Intentada a notificación persoal e devolta polo servizo de Correos por resultar imposible a súa práctica, de conformidade co disposto nos artigos 59.5 e 61 da Lei 30/1992, do 26 de novembro, modificada pola Lei 4/1999, por esta cédula notifícaselle á entidade relacionada no anexo o acordo de iniciación de expediente de reintegro da subvención concedida mediante Resolución do director xeral de Promoción do Emprego e Formación do 7 de agosto de 2009.
Faise saber que o interesado disporá dun prazo de quince (15) días para que alegue ou presente os documentos que xulgue pertinentes, de acordo co disposto no artigo 77 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
Recórdaselles tamén o seu dereito a consultar o expediente, depositado nas dependencias desta dirección xeral, sita no Edificio Administrativo San Lázaro, s/n, en Santiago de Compostela, e a obter, de ser o caso, copia da resolución, segundo o previsto na letra a) do artigo 35 da mencionada Lei 30/1992.
Santiago de Compostela, 30 de setembro de 2014
Ana María Díaz López
Directora xeral de Emprego e Formación
ANEXO
Entidade: Fundación para el Desarrollo de la Empleabilidad y la Formación (Fundefo).
Enderezo: praza de Recife, nº 5, 3º B, 15004 A Coruña.
Nº de expediente: TR352B 2009/40-0.
Data do acordo de iniciación do expediente de reintegro: 4 de xullo de 2014.
Preceptos incumpridos: artigo 7.3) da Orde do 29 de decembro de 2008 pola que se establecen as bases que regulan, para o exercicio do ano 2009, as axudas e subvencións para o fomento do emprego a través dos programas de cooperación, no ámbito de colaboración coas entidades locais e cos órganos e organismos das administracións públicas distintas da local, universidades e entidades sen ánimo de lucro, e se procede á súa convocatoria (DOG nº 7, do 12 de xaneiro de 2009); artigo 33 da Lei 9/2007, do 13 de xuño, de subvencións de Galicia.
Cantidade que hai que reintegrar: 361,73 €.