DOG 15 do 23/01/2015 - CÉDULA do 22 de decembro de 2014, da Xefatura Territorial da Coruña, pola que se notifica o acordo do inicio de reintegro das axudas do Programa para a promoción do emprego autónomo, reguladas na Orde do 22 de abril de 2010 (Diario Oficial de Galicia número 79, do 28 de abril), relativa ao expediente TR341D 2010/2772-1 e seis máis.

VI. Anuncios

a) Administración autonómica

Consellería de Traballo e Benestar

CÉDULA do 22 de decembro de 2014, da Xefatura Territorial da Coruña, pola que se notifica o acordo do inicio de reintegro das axudas do Programa para a promoción do emprego autónomo, reguladas na Orde do 22 de abril de 2010 (Diario Oficial de Galicia número 79, do 28 de abril), relativa ao expediente TR341D 2010/2772-1 e seis máis.

No uso das competencias atribuídas a esta xefatura territorial, en virtude do disposto nos artigos 59 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Ley 4/1999, do 13 de xaneiro, ao seren devoltas polo servizo de Correos as notificacións enviadas no seu día coas citadas resolución, requírense as persoas citadas no anexo para que no prazo de dez (10) días, contados desde o seguinte ao da publicación desta cédula, comparezan persoalmente ou debidamente representadas, no Servizo de Traballo e Economía Social da Xefatura Territorial da Consellería de Traballo e Benestar da Coruña (rúa Salvador de Madariaga, 9-1º), das 9.00 ás 14.00 horas, de luns a venres, para ter coñecemento do contido daquelas, advertíndolles que, de non facelo así, se considerarán notificadas cos efectos que correspondan.

Así mesmo, fáiselles saber o dereito que as asiste para faceren as alegacións e achegaren os documentos que xulguen máis convenientes aos seus intereses, nun prazo de quince (15) días hábiles que comezarán a contar a partir do día seguinte ao da publicación desta cédula no Diario Oficial de Galicia.

A Coruña, 22 de decembro de 2014

María Pilar Caridad Alonso
Xefa territorial da Coruña

ANEXO

Expediente: TR 341D 2010/2772-1.

Nome: Silva de Lima, José Eduardo.

Último enderezo coñecido: rúa Suárez Vence, 4, 15840 Santa Comba, A Coruña.

Feito imputado: incumprimento de obrigas.

Precepto infrinxido: o artigo 17.1.a) da Orde do 22 de abril de 2010 pola que se establecen as bases reguladoras do Programa para a promoción do emprego autónomo, cofinanciado polo Fondo Social Europeo, e se procede á súa convocatoria para o ano 2010.