O Pleno Municipal, en sesión extraordinaria que tivo lugar o 15 de decembro de 2014, acordou aprobar definitivamente o estudo de detalle para ordenar os volumes, completar ou reaxustar as rasantes e concretar as condicións de composición da edificación na parcela E4-1 da rúa Madeira do parque empresarial de Bértoa (Carballo), promovido pola entidade Casas Cube, S.L., segundo a documentación técnica presentada o 3 de setembro de 2014, número de rexistro de entrada 2014010610, asinada pola arquitecta Marta Maneiro González (col. 4517 COAG), que afecta directamente a parcela catastral 6280504NH2868S0001IJ.
Así mesmo, faise constar que o 19 de decembro de 2014 se remitiu á Secretaría Xeral de Ordenación do Territorio da Consellería de Medio Ambiente, Territorio e Infraestruturas unha copia autenticada de dous exemplares do documento debidamente dilixenciado polo secretario xeral do Concello.
Carballo, 19 de decembro de 2014
Evencio Ferrero Rodríguez
Alcalde