Advertidos erros na citada orde, publicada no Diario Oficial de Galicia número 236, do venres 11 de decembro de 2015, cómpre facer as seguintes correccións:
Na páxina 46407, no número 2 do artigo 2, onde di: «2. Así mesmo, poderán solicitar o recoñecemento do grao de discapacidade as persoas de nacionalidade española residentes no estranxeiro e as persoas estranxeiras residentes en Galicia segundo o procedemento establecido nos artigos 23 e 24 respectivamente.», debe dicir: «2. Así mesmo, poderán solicitar o recoñecemento do grao de discapacidade as persoas de nacionalidade española residentes no estranxeiro e as persoas estranxeiras residentes en Galicia segundo o procedemento establecido nos artigos 25 e 26 respectivamente.».
Na páxina 46411, no punto f) do artigo 7, onde di: «f) Emitir os ditames técnico-facultativos previstos na Lei 40/1998, do 9 de decembro, do imposto sobre a renda das persoas físicas e outras normas tributarias, en relación con situacións de discapacidade.», debe dicir: «f) Emitir os ditames técnico-facultativos previstos no Real decreto lexislativo 3/2004, do 5 de marzo, polo que se aproba o texto refundido da Lei do imposto sobre a renda das persoas físicas, e outras normas tributarias en relación con situacións de discapacidade.».
Na páxina 46414, no punto e), do artigo 12, onde di: «e) Copia compulsada dos informes médicos ou psicolóxicos, emitido/s por un profesional do Servizo Galego de Saúde, doutras administracións públícas que traten habitualmente a persoa solicitante ou de entidades concertadas ou conveniadas coa Seguridade Social ou réximes especiais, conforme o modelo do anexo IV, que avalen as deficiencias alegadas.», debe dicir: «e) Informes médicos ou psicolóxicos, emitidos por un profesional do Servizo Galego de Saúde, doutras administracións públicas que traten habitualmente a persoa solicitante ou de entidades concertadas ou conveniadas coa Seguridade Social ou réximes especiais, conforme o modelo do anexo IV, que avalen as deficiencias alegadas.».
Na páxina 46428, no anexo I (continuación), na epígrafe «Documentación que se presenta ou que se declara que está en poder da administración actuante», onde di: «No caso de solicitar valoración dos factores sociais complementarios», debe dicir: «Solicita valoración dos factores sociais complementarios: Si Non. En caso afirmativo, deberán presentar:».
Para tal efecto, publícase novamente o anexo I.
