DOG 87 do 9/05/2016 - ORDE do 22 de abril de 2016 pola que se procede ao nomeamento como funcionarios/as do corpo facultativo superior de administración especial da Administración xeral da Comunidade Autónoma de Galicia, subgrupo A1, escala de facultativos de arquivos, bibliotecas e museos, especialidade de arquivos, dos/das aspirantes que superaron o proceso selectivo convocado pola Orde do 9 de maio de 2014.

IV. Oposicións e concursos

Consellería de Facenda

ORDE do 22 de abril de 2016 pola que se procede ao nomeamento como funcionarios/as do corpo facultativo superior de administración especial da Administración xeral da Comunidade Autónoma de Galicia, subgrupo A1, escala de facultativos de arquivos, bibliotecas e museos, especialidade de arquivos, dos/das aspirantes que superaron o proceso selectivo convocado pola Orde do 9 de maio de 2014.

Unha vez rematado o proceso selectivo para o ingreso no corpo facultativo superior de administración especial da Administración xeral da Comunidade Autónoma de Galicia, subgrupo A1, escala de facultativos de arquivos, bibliotecas e museos, especialidade de arquivos, convocado pola Orde da Consellería de Facenda do 9 de maio de 2014 (DOG núm. 99, do 26 de maio), e realizado o acto de elección de destino definitivo previsto na Orde do 12 de abril de 2016 (DOG núm. 74, do 19 de abril), esta consellería, de conformidade co disposto na Lei 2/2015, do 29 de abril, do emprego público de Galicia e demais normas concordantes,

DISPÓN:

Primeiro. Nomear funcionarios/as do corpo facultativo superior de administración especial da Administración xeral da Comunidade Autónoma de Galicia, subgrupo A1, escala de facultativos de arquivos, bibliotecas e museos, especialidade de arquivos, os/as aspirantes aprobados/as que se relacionan no anexo desta orde, ordenados/as de acordo coa puntuación final obtida, e adxudicarlles como destinos definitivos os que figuran no mesmo anexo, de acordo co acto de elección de destino que tivo lugar o día 22 de abril de 2016.

Para adquiriren a condición de funcionarios/as, as persoas a que se refire o anexo desta orde deberán cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta orde no Diario Oficial de Galicia.

Segundo. Contra esta orde, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 22 de abril de 2016

Valeriano Martínez García
Conselleiro de Facenda

ANEXO

Promoción interna

Núm.	Apelidos e nome	DNI	Posto elixido	Código do posto	Cons.	Denominación	Subgrupo	Nivel	Centro directivo	Centro destino	Concello	Formación	Observacións
1	Cascudo Rasilla, Alfonso Cándido	33305989B	*	EDC995030236001011	ED	Sección C	A1/A2	22	Servizos periféricos	Arquivo Xeral Territorial de Pontevedra	Pontevedra	Facultativo/a sección arquivos (RI)/axudante sección arquivos (RI).	Xornada mañá ou tarde

* Permanece no posto que desempeñaba con carácter definitivo segundo a base IV.6 da Orde do 9 de maio de 2014 (DOG núm. 99, do 26 de maio).

Acceso libre

Núm.	Apelidos e nome	DNI	Posto elixido	Código do posto	Cons.	Denominación	Subgrupo	Nivel	Centro directivo	Centro destino	Concello	Formación
1	Rodríguez-Segade Vázquez, Ana	44810837Y	1	ED3010000215770007	ED	Técnico/a superior de arquivos	A1	20	Secretaría Xeral de Cultura	S. X. de Arquivos	Santiago de Compostela	Facultativo/a sección arquivos (RI).