En liña coa decidida aposta da Escola Galega de Administración Pública (EGAP) de pór en marcha novas modalidades de formación e metodoloxías de ensino, esta convocatoria supón a consolidación do Programa de autoformación iniciado no ano 2013 e que, verificada a súa ampla aceptación entre os destinatarios, renova os seus contidos formativos para incluír novos temas de interese.

A autoformación oriéntase cara á adquisición de coñecementos e habilidades de xeito autónomo, asumindo o participante un papel activo no proceso de aprendizaxe, a través do emprego das tecnoloxías da información e da comunicación, ao mesmo tempo que se lle ofrece a posibilidade de acreditar a súa competencia mediante unha proba voluntaria, que lle dá dereito a obter un certificado de equivalencia.

Esta modalidade permite achegar as actividades da escola a un maior número de empregados públicos, especialmente a aqueles que por barreiras xeográficas ou razóns de conciliación non poden optar á modalidade presencial.

O que se procura é a maior independencia do alumnado para elaborar o seu propio plan de aprendizaxe, sen o condicionamento dos prazos. Ademais, no actual escenario orzamentario é particularmente interesante organizar actividades formativas que, comparadas coas tradicionais, resultan economicamente vantaxosas e de amplo alcance.

Por todo isto, e en execución do Plan de formación 2016 da Escola Galega de Administración Pública (EGAP), convócase o programa de autoformación cuxas bases se detallan nos anexos desta resolución.

O persoal da Administración da Comunidade Autónoma de Galicia que desexe participar no programa de autoformación dispón de dúas opcións, compatibles entre elas pero independentes unha da outra. Por unha banda pode acceder aos contidos das actividades sen máis trámite que o de inscribirse na zona de matrícula da EGAP, tal e como se prevé no anexo I. Por outra banda pode solicitar presentarse ás probas de avaliación reguladas no anexo II. Polo tanto, o acceso aos contidos non implica a obriga de presentarse ás probas de avaliación nin é tampouco un requisito para matricularse nelas. Porén, só as persoas que se matriculen nestas probas e as superen teñen dereito ao certificado de equivalencia, que ten o mesmo valor que un de aproveitamento.

As probas de avaliación superadas nesta modalidade de formación valoraranse conforme establezan as bases dos concursos que convoque, no seu día, a Dirección Xeral de Función Pública.

Santiago de Compostela, 23 de maio de 2016

Sonia Rodríguez-Campos González
Directora da Escola Galega de Administración Pública

ANEXO I
Bases

Primeira. As actividades do programa de autoformación: contidos e cuestionarios

1. As actividades do programa de autoformación son as seguintes:

Código	Actividade do programa de autoformación
FC16159	A Administración electoral: o papel das administracións galegas - Contidos
FC16161	A calidade na Administración pública. Procesos e procedementos - Contidos
FC16163	A Lei 2/2015, do 29 de abril, do emprego público de Galicia - Contidos
FC16165	A responsabilidade patrimonial da Xunta de Galicia - Contidos
FC16167	Aplicacións informáticas de bases de datos relacionais (LibreOffice Base) - Contidos
FC16169	Aplicacións informáticas de bases de datos relacionais (Microsoft Office 2010) - Contidos
FC16171	Aplicacións informáticas de follas de cálculo (Microsoft Office 2010) - Contidos
FC16173	Aplicacións informáticas de follas de cálculo (LibreOffice Calc) - Contidos
FC16175	Aplicacións informáticas de tratamento de textos (Microsoft Office 2010) - Contidos
FC16177	Aplicacións informáticas de tratamento de textos (LibreOffice Writer) - Contidos
FC16179	Aplicacións informáticas para presentacións gráficas de información (LibreOffice Impress) - Contidos
FC16181	Aplicacións informáticas para presentacións: gráficas de información (Microsoft Office 2010) - Contidos
FC16183	As subvencións. Regulación estatal e autonómica - Contidos
FC16185	Básico en prevención de riscos laborais - Contidos
FC16187	Cooperación transfronteiriza e cohesión - Contidos
FC16189	Incompatibilidades dos empregados públicos de Galicia - Contidos
FC16191	Iniciación á administración electrónica. Seguranza da información e protección de datos - Contidos
FC16193	Introdución á Unión Europea e ao seu dereito - Contidos
FC16195	Lei 39/2015, do 1 de outubro, do procedemento administrativo común das administracións públicas - Contidos
FC16197	Lei 40/2015, do 1 de outubro, de réxime xurídico do sector público - Contidos
FC16199	Lei xeral de dereitos das persoas con discapacidade e da súa inclusión social - Contidos
FC16201	O persoal laboral ao servizo da Xunta de Galicia: V Convenio colectivo único de persoal laboral - Contidos
FC16203	O principio de subsidiariedade no dereito da Unión Europea, o seu control - Contidos
FC16205	O recurso por incumprimento e a responsabilidade das comunidades autónomas - Contidos
FC16207	Os contratos do sector público - Contidos
FC16209	Os primeiros auxilios - Contidos
FC16212	Prevención de riscos laborais en oficinas e despachos - Contidos
FC16214	Real decreto lexislativo 5/2015, do 30 de outubro, polo que se aproba o texto refundido do Estatuto básico do empregado público - Contidos
FC16215	Réxime disciplinario do empregado público de Galicia - Contidos
FC16217	Sistema operativo, busca da información: internet/intranet e correo electrónico (GNU/Linux) - Contidos
FC16219	Sistema operativo, busca da información: internet/intranet e correo electrónico (Windows)-Contidos
FC16221	Subvencións e axudas económicas en tempos de crise - Contidos
FC16223	Violencia de xénero - Contidos
FC16259	Xénero e igualdade nas administracións públicas. A súa evolución normativa - Contidos

2. Cada unha das actividades está composta de contidos multimedia actualizados, material complementario e, dado que non existe a figura do titor, cuestionarios de corrección automática, que facilitan unha aprendizaxe autónoma máis efectiva.

Segunda. As actividades: acceso aos contidos

1. Todos os empregados públicos e as empregadas públicas destinados na Administración da Comunidade Autónoma de Galicia que reúnan os requisitos establecidos na presente convocatoria e concretamente na base primeira do anexo II poden acceder aos contidos das actividades do programa de autoformación, sen pasar por un proceso de selección, inscribíndose na zona de matrícula da EGAP, no enderezo <http://egap.xunta.es/matricula>.

2. A inscrición para o acceso aos contidos pode facerse en calquera momento a partir do día seguinte ao da publicación desta resolución no Diario Oficial de Galicia e ata o 30 de decembro de 2016, agás para os contidos referentes á Lei 39/2015, do 1 de outubro, do procedemento administrativo común das administracións públicas, e a Lei 40/2015, do 1 de outubro, de réxime xurídico do sector público, ao tratarse de novidades lexislativas, estímase que non estarán dispoñibles ata mediados de setembro do ano 2016.

3. Cada persoa determinará libremente o número de actividades en que queira inscribirse e mais o período durante o cal vai traballar na actividade ou actividades do programa de autoformación elixidas. Os contidos van estar dispoñibles ata o 30 de decembro de 2016.

4. A EGAP adoptará as medidas necesarias para facilitar a inscrición. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 57 e 981 54 63 35 e do enderezo de correo electrónico <xestion.egap@xunta.es>.

5. Unha vez inscrita, a persoa recibirá unha mensaxe de correo electrónico de confirmación e despois poderá acceder aos contidos da actividade ou actividades na aula virtual, no enderezo <http://egap.xunta.es/aulavirtual>.

6. O acceso aos contidos das actividades do programa de autoformación non implica a obriga de presentarse ás probas de avaliación reguladas no anexo II nin é tampouco un requisito para matricularse nelas.

7. O acceso aos contidos das actividades do programa de autoformación non dá dereito á expedición do certificado regulado na base oitava do anexo II.

ANEXO II
Bases

Primeira. As probas de avaliación das actividades do programa de autoformación: participación

1. Poden participar nas probas de avaliación das actividades do programa de autoformación os empregados públicos e as empregadas públicas destinados na Administración da Comunidade Autónoma de Galicia que non se encontren en situación de servizos noutras administracións públicas, excedencia voluntaria e suspensión de funcións, e reúnan os requisitos establecidos na presente convocatoria e para cada un dos casos no anexo II. Está exceptuado o persoal docente da Consellería de Educación e Ordenación Universitaria e o persoal do Servizo Galego de Saúde, non entendendo por tal os empregados públicos da escala de saúde pública e Administración sanitaria creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galicia.

2. Así mesmo, os empregados públicos pertencentes a outras entidades, organismos e institucións públicas autonómicas poderán acceder a todas as actividades formativas e probas de acceso libre desta convocatoria que así o especifiquen na epígrafe de destinatario da actividade e en que queden prazas vacantes.

3. Toda persoa solicitante que ao inicio do prazo de inscrición se atope en situación de baixa laboral por incapacidade temporal quedará automaticamente excluída da lista do persoal seleccionado.

Segunda. As probas de avaliación: prazas convocadas, horas certificadas, datas, lugar e horario

1. As probas de avaliación das actividades do programa de autoformación que se convocan atéñense ao previsto na seguinte táboa:

Código	Edición	Actividade do programa de autoformación	Prazas	Horas certificadas	Data da proba	Horario aproximado da proba
FC16160	T01	A Administración electoral: o papel das administracións galegas - Proba de avaliación	50	15	22.11.2016	16.30 a 17.30 h
FC16162	T01	A calidade na Administración pública. Procesos e procedementos - Proba da avaliación	100	25	3.11.2016	16.30 a 19.00 h
FC16164	T01	A Lei 2/2015, do 29 de abril, do emprego público de Galicia - Proba da avaliación	100	20	7.11.2016	16.30 a 19.00 h
FC16166	T01	A responsabilidade patrimonial da Xunta de Galicia - Proba da avaliación (1)	100	15	19.10.2016	9.00 a 11.30 h
FC16168	T01	Aplicacións informáticas de bases de datos relacionais (LibreOffice Base) -Proba de avaliación	100	50	7.7.2016 8.7.2016	Día 7 (13.00 h) Día 8 (9.00 h)
FC16168	T02	Aplicacións informáticas de bases de datos relacionais (LibreOffice Base) -Proba de avaliación	100	50	12.9.2016 13.9.2016	Día 12 (13.00 h) Día 13 (9.00 h)
FC16170	T01	Aplicacións informáticas de bases de datos relacionais (Microsoft Office 2010) - Proba de avaliación	100	50	7.7.2016	9.00 a 12.30 h
FC16170	T02	Aplicacións informáticas de bases de datos relacionais (Microsoft Office 2010) - Proba de avaliación	100	50	13.9.2016	11.00 a 14.30 h
FC16172	T01	Aplicacións informáticas de follas de cálculo (Microsoft Office 2010) - Proba de avaliación	100	50	5.7.2016	16.30 a 20.00 h
FC16172	T02	Aplicacións informáticas de follas de cálculo (Microsoft Office 2010) - Proba de avaliación	100	50	15.9.2016	16.30 a 20.00 h
FC16174	T01	Aplicacións informáticas de follas de cálculo (LibreOffice Calc) - Proba de avaliación	100	50	6.7.2016	16.30 a 20.00 h
FC16174	T02	Aplicacións informáticas de follas de cálculo (LibreOffice Calc) - Proba de avaliación	100	50	14.9.2016	16.30 a 20.00 h
FC16176	T01	Aplicacións informáticas de tratamento de textos (Microsoft Office) - Proba de avaliación	100	30	7.7.2016	16.30 a 20.00 h
FC16176	T02	Aplicacións informáticas de tratamento de textos (Microsoft Office) - Proba de avaliación	100	30	13.9.2016	16.30 a 20.00 h
FC16178	T01	Aplicacións informáticas de tratamento de textos (LibreOffice Writer) - Proba de avaliación	100	30	6.7.2016	11.00 a 14.30 h
FC16178	T02	Aplicacións informáticas de tratamento de textos (LibreOffice Writer) - Proba de avaliación	100	30	15.9.2016	11.00 a 14.30 h
FC16180	T01	Aplicacións informáticas para presentacións gráficas de información (LibreOffice Impress). Proba de avaliación	100	30	5.7.2016	9.00 a 12.30 h
FC16180	T02	Aplicacións informáticas para presentacións gráficas de información (LibreOffice Impress). Proba de avaliación	100	30	14.9.2016	9.00 a 12.30 h
FC16182	T01	Aplicacións informáticas para presentacións: gráficas de información (Microsoft Office 2010) - Proba de avaliación	100	30	5.7.2016 6.7.2016	Día 5 (13.00 h) Día 6 (9.00 h)
FC16182	T02	Aplicacións informáticas para presentacións: gráficas de información (Microsoft Office 2010) - Proba de avaliación	100	30	14.9.2016 15.9.2016	Día 14 (13.00 h) Día 15 (9.00 h)
FC16184	T01	As subvencións. Regulación estatal e autonómica - Proba da avaliación	100	40	8.11.2016	16.30 a 19.00 h
FC16186	T01	Básico en prevención de riscos laborais. Proba de avaliación (1)	100	50	18.10.2016	9.00 a 11.30 h
FC16188	T01	Cooperación transfronteiriza e cohesión - Proba de avaliación	50	24	22.11.2016	18.00 a 19.00 h
FC16190	T01	Incompatibilidades dos empregados públicos de Galicia - Proba da avaliación (1)	100	18	18.10.2016	12.00 a 14.30 h
FC16192	T01	Iniciación á administración electrónica. Seguranza da información e protección de datos - Proba da avaliación	100	20	9.11.2016	16.30 a 19.00 h
FC16194	T01	Introdución á Unión Europea e ao seu dereito - Proba da avaliación	100	24	10.11.2016	16.30 a 19.00 h
FC16196	T01	Lei 39/2015, do 1 de outubro, do procedemento administrativo común das administracións públicas - Proba de avaliación	200	25	7.11.2016	9.00 a 14.30 h
FC16198	T01	Lei 40/2015, do 1 de outubro, de réxime xurídico do sector público - Proba de avaliación	100	25	14.11.2016	16.30 a 19.00 h
FC16200	T01	Lei xeral de dereitos das persoas con discapacidade e da súa inclusión social-Proba de avaliación	50	20	24.11.2016	16.30 a 17.30 h
FC16202	T01	O persoal laboral ao servizo da Xunta de Galicia: V Convenio colectivo único de persoal laboral - Proba de avaliación	50	20	24.11.2016	18.00 a 19.00 h
FC16204	T01	O principio de subsidiariedade no dereito da Unión Europea, o seu control - Proba da avaliación	100	15	4.11.2016	16.30 a 19.00 h
FC16206	T01	O recurso por incumprimento e a responsabilidade das comunidades autónomas - Proba de avaliación	100	20	16.11.2016	16.30 a 19.00 h
FC16208	T01	Os contratos do sector público - Proba de avaliación	100	30	17.11.2016	16.30 a 19.00 h
FC16210	T01	Os primeiros auxilios - Proba de avaliación	100	20	15.11.2016	16.30 a 19.00 h
FC16211	T01	Prevención de riscos laborais en oficinas e despachos - Proba de avaliación (1)	100	15	19.10.2016	12.00 a 14.30 h
FC16213	T01	Real decreto lexislativo 5/2015, do 30 de outubro, polo que se aproba o texto refundido do Estatuto básico do empregado público - Proba da avaliación	200	25	2.11.2016	9.00 a 14.30 h
FC16216	T01	Réxime disciplinario do empregado público de Galicia - Proba da avaliación	100	15	21.11.2016	16.30 a 19.00 h
FC16218	T01	Sistema operativo, busca da información: internet/intranet e correo electrónico (GNU/Linux) - Proba de avaliación	100	30	8.7.2016	11.00 a 14.30 h
FC16218	T02	Sistema operativo, busca da información: internet/intranet e correo electrónico (GNU/Linux) - Proba de avaliación	100	30	12.9.2016	9.00 a 12.30 h
FC16220	T01	Sistema operativo, busca da información: internet/intranet e correo electrónico (Windows)-Proba de avaliación	100	30	4.7.2016	16.30 a 20.00 h
FC16220	T02	Sistema operativo, busca da información: internet/intranet e correo electrónico (Windows)-Proba de avaliación	100	30	12.9.2016	16.30 a 20.00 h
FC16222	T01	Subvencións e axudas económicas en tempos de crise - Proba da avaliación (1)	100	18	21.10.2016	9.00 a 14.30 h
FC16224	T01	Violencia de xénero - Proba da avaliación	50	30	4.11.2016	12.00 a 13.00 h
FC16225	T01	Xénero e igualdade nas administracións públicas. A súa evolución normativa - Proba da avaliación	100	25	4.11.2016	9.00 a 11.30 h

(1) Esta actividade está destinada tamén ao persoal que presta servizos nas entidades públicas instrumentais do sector público autonómico de Galicia enunciadas na línea a) do artigo 45 da Lei 16/2010, do 17 de decembro (LOFAXGA).

2. As probas de avaliación terán lugar nas dependencias da EGAP, en Santiago de Compostela (rúa Madrid, 2-4, As Fontiñas).

3. Na páxina web <http://egap.xunta.es> actualizarase e ampliarase a información sobre as actividades do programa de autoformación, incluíndo as quendas, se é o caso, e o horario de realización das probas de avaliación.

Terceira. As probas de avaliación: solicitudes de participación

1. O prazo de presentación de solicitudes será de 10 días naturais a partir do día seguinte ao da publicación desta resolución no Diario Oficial de Galicia.

2. As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo <http://egap.xunta.es/matricula> desde as 8.00 horas da data de inicio do prazo de presentación de solicitudes e ata as 14.00 horas da data de finalización. As solicitudes entenderanse presentadas unha vez que se complete correctamente o proceso de matriculación.

3. Pode solicitarse a inscrición nun máximo de cinco probas de avaliación das actividades do programa de autoformación.

4. As persoas que oculten ou falseen datos esenciais para a selección serán automaticamente excluídas das probas de avaliación das actividades do programa de autoformación solicitadas e pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado desde que se detecte o feito.

5. Serán excluídas automaticamente aquelas solicitudes que non se axusten ao formulario de solicitude ou non teñan cubertos correctamente os datos precisos para a realización do proceso de selección.

6. As persoas solicitantes deben dispor dunha conta de correo electrónico, cuxo enderezo teñen que indicar na solicitude.

7. A maiores, toda persoa interesada en recibir no seu teléfono móbil mensaxes de texto con información sobre o proceso de selección ten que facilitar o correspondente número.

8. As persoas que necesiten acreditar circunstancias específicas (discapacidade, permiso de maternidade, etc.) de acordo cos criterios de selección deben remitirlle á EGAP a correspondente documentación complementaria, xunto cunha copia do formulario da matrícula, ao enderezo de correo electrónico <xestion.egap@xunta.es>, sen prexuízo do previsto no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27). A devandita documentación debe enviarse por unha única das vías indicadas; no caso contrario só serán considerados os datos achegados por correo electrónico. A documentación debe presentarse dentro do prazo sinalado no punto 1 desta base.

9. Cando nalgunha das probas de avaliación das actividades do programa de autoformación non haxa un número suficiente de solicitantes que cumpran os requisitos, a EGAP poderá abrir un novo prazo de presentación de solicitudes na súa páxina web.

10. A EGAP adoptará as medidas necesarias para facilitar a presentación das solicitudes. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 57 e 981 54 63 35 e do enderezo de correo electrónico <xestion.egap@xunta.es>.

Cuarta. As probas de avaliación: criterios de selección

1. Con carácter xeral, a selección realizarase de acordo co previsto na Resolución do 4 de xaneiro de 2008 pola que se actualizan os criterios de participación nas actividades formativas da Escola Galega de Administración Pública (DOG do 10).

2. Para os efectos do previsto no punto segundo da citada resolución, o baremo que se empregará para a selección establécese sobre unha base de 100 puntos, dos cales 60 están vinculados ao número de horas de formación recibidas nos dous últimos anos e os 40 restantes, á antigüidade na Administración.

3. Os empates desfaranse de acordo co resultado do sorteo a que se refire o artigo 9 do Regulamento de selección de persoal da Administración da Comunidade Autónoma de Galicia, aprobado polo Decreto 95/1991, do 20 de marzo (DOG do 25). Para o ano 2016, segundo a Resolución do 3 de febreiro (DOG do 12 de febreiro), comezarase pola letra O.

Quinta. As probas de avaliación: publicación da relación do persoal seleccionado

1. Para cada proba de avaliación das actividades do programa de autoformación, a EGAP publicará no enderezo <http://egap.xunta.es> unha relación en que figurará o alumnado seleccionado para participar e mais o situado nos primeiros postos da listaxe de agarda. A información tamén se enviará por correo electrónico e, no caso das persoas que facilitasen o correspondente número, por telefonía móbil. Aquelas persoas que non figuren na relación estarán, ben situadas nun posto máis afastado na listaxe de agarda ben excluídas en aplicación destas bases.

2. O prazo de presentación de alegacións é de cinco días naturais contados desde o da devandita publicación.

3. Transcorrido o prazo de presentación de alegacións, a EGAP publicará no enderezo <http://egap.xunta.es> a listaxe definitiva das persoas admitidas para participar nas probas de avaliación.

Sexta. As probas de avaliación: cambios ou substitucións na selección e renuncia

1. Os cambios ou as substitucións na selección:

En ningún caso serán admitidos cambios ou substitucións entre as persoas seleccionadas nin cambios na asignación de quendas das probas.

2. A renuncia:

a) As persoas seleccionadas só poden renunciar á proba de avaliación da actividade do programa de autoformación:

– Por causa de forza maior suficientemente acreditada.

– Por necesidades do servizo debidamente motivadas por parte dos responsables dos centros directivos.

– Por outras causas xustificadas documentalmente.

b) A renuncia debe serlle comunicada por escrito á EGAP nun prazo de cinco días hábiles contados desde o da publicación da listaxe definitiva das persoas seleccionadas. Na páxina web da EGAP está dispoñible un modelo de renuncia.

Para isto pódese utilizar, alén do previsto no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27), o enderezo de correo electrónico <xestion.egap@xunta.es>.

c) As persoas que incumpran o previsto nas alíneas a) e b) pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade.

Sétima. As probas de avaliación: desenvolvemento

1. As probas de avaliación das actividades do programa de autoformación teñen o seguinte formato:

Actividade do programa de autoformación: horas	Proba de avaliación
	Preguntas tipo test: número	Tempo dispoñible: minutos	Tentativas	Respostas incorrectas: desconto	Superación: porcentaxe de respostas correctas
Actividades de ofimática De 30 a 50 horas	30	90	Unha	Non	70 %
De 25 a 50 horas	40	60
De 15 a 24 horas	30	45

Para superar as probas de avaliación, o alumnado deberá responder de forma correcta a un 70 % das preguntas da proba. As respostas incorrectas non descontarán acertos.

2. É obrigatoria a asistencia con puntualidade ás probas de avaliación. Levarase a cabo un único chamamento por orde alfabética.

3. As persoas participantes deben presentarse provistas do DNI ou doutro documento fidedigno acreditativo da súa identidade.

4. Para poder facer a proba de avaliación, cada participante debe lembrar o contrasinal que lle permite entrar na aula virtual, que coincide co que lle dá acceso á zona de matrícula.

5. Non se autoriza o uso de dispositivos electrónicos durante o desenvolvemento das probas de avaliación.

6. As persoas que se inscriban e non se presenten ás probas de avaliación pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade.

Oitava. O certificado de equivalencia

1. As persoas que superen a proba de avaliación obterán o correspondente certificado de equivalencia.

2. Este certificado equivale a un de aproveitamento polas horas previstas na correspondente actividade do programa de autoformación. Estas actividades formativas valoraranse conforme establezan as bases dos concursos que convoque, no seu día, a Dirección Xeral de Función Pública.

Novena. As facultades da EGAP

1. Correspóndelle á EGAP dispor canto sexa necesario para o cumprimento do previsto nesta convocatoria e para a resolución das incidencias que se produzan. Tendo en conta as circunstancias relativas á organización das probas de avaliación das actividades do programa de autoformación, a EGAP pode modificar o desenvolvemento, os contidos e as datas das probas e mesmo suprimilas.

2. A EGAP pode suspender ou cancelar as probas de avaliación das actividades do programa de autoformación en que o número de admitidos sexa inferior ao 50 % das prazas convocadas. As persoas afectadas disporán de todos os datos no enderezo <http://egap.xunta.es>. A información tamén se enviará por correo electrónico e, no caso das persoas que facilitasen o correspondente número, por telefonía móbil.

3. A execución material de todo o previsto nesta resolución queda condicionada á existencia de crédito orzamentario axeitado e dispoñible e mais á correspondente autorización do gasto.

4. A EGAP garantirá na totalidade das actividades derivadas desta convocatoria a promoción da igualdade real e efectiva entre mulleres e homes, a eliminación de calquera tipo de discriminación e o fomento dos dereitos de conciliación.