De conformidade co disposto nos artigos 59.5 e 61 da Lei 30/1992, do 26 de novembro, do réxime xurídico das administracións públicas e do procedemento administrativo común, emprázase, por medio do presente anuncio, publicado no Boletín Oficial del Estado (BOE), a José Luis Varela Fernández, propietario nº 281 da zona de concentración parcelaria de Xanceda-Mesía II (Mesía-A Coruña), para ser notificado da Resolución do 20 de abril de 2016, que modifica o acordo de concentración da dita zona.

Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.

Para coñecer o contido íntegro da resolución, o interesado poderá comparecer nas dependencias desta xefatura territorial, sita na rúa Vicente Ferrer, nº 2, no Edificio Administrativo de Servizos Múltiples Monelos, A Coruña, das 9.00 ás 14.00 horas, de luns a venres.

A comparecencia deberase efectuar no prazo de quince (15) días, contados desde o seguinte ao da publicación deste anuncio no BOE.

Transcorrido o dito prazo sen efectuarse a comparecencia, a notificación entenderase producida desde o día seguinte ao da publicación.

Contra a referida resolución, que non pon fin á vía administrativa, poderase interpor recurso de alzada, perante a persoa titular da Consellería do Medio Rural, no prazo dun mes contado a partir do día seguinte ao da notificación da resolución.

A Coruña, 16 de xuño de 2016

Manuel Rodríguez Vázquez
Xefe territorial da Coruña