No BOP de Ourense número 189, do 18 de agosto de 2016, publicáronse íntegras as bases para cubrir a praza da oferta ordinaria de emprego público do ano 2014.

A praza que se convoca é a seguinte:

I. Oferta ordinaria de emprego público 2014.

A) Cadro de persoal:

A.1) Inclúese a seguinte praza funcionarial de acceso por promoción interna vertical:

Unha (1) praza de administrativo (contabilidade), subgrupo C1, escala de Administración xeral, subescala administrativa. Concurso-oposición por promoción interna vertical. Título de Bacharel, técnico ou equivalente.

As solicitudes presentaranse no Rexistro Xeral do Concello durante o prazo dos 20 días naturais seguintes ao da publicación do anuncio da convocatoria no Boletín Oficial del Estado, en modelo oficial que se facilitará nas oficinas do Concello e na páxina web. Así mesmo, poderán presentarse na forma que determina o artigo 38.4 da Lei 30/1992.

Os sucesivos anuncios relativos a esta convocatoria publicaranse exclusivamente no taboleiro de edictos, en todo caso, na páxina web www.concellopereiro.com e no BOP de Ourense cando proceda, de conformidade coas bases das probas selectivas.

Publícase isto de conformidade co disposto no artigo 233.3 da Lei 5/1997, de Administración local de Galicia.

O Pereiro de Aguiar, 18 de agosto de 2016

Eliseo Fernández Gómez
Alcalde