En cumprimento do disposto no artigo 154.1 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización do seguinte contrato administrativo:

«Xestión indirecta do servizo portuario de recepción de refugallos xerados por buques, servizo de recollida, transporte e xestión de refugallos perigosos nos portos e servizo de limpeza, recollida, transporte e xestión de residuos perigosos na lámina de auga, nos portos dependentes de Portos de Galicia no sector sur».

1. Entidade adxudicadora.

a) Organismo: entidade pública Portos de Galicia.

b) Dependencia que impulsa o expediente: Área de Desenvolvemento e Estratexia Portuaria.

c) Dependencia que tramita o expediente: División de Contratación.

d) Número de expediente: 3/2015/CNTSE.

e) Enderezo da internet do perfil do contratante:

www.contratosdegalicia.es/resultado.jsp?N=23425

2. Obxecto do contrato.

a) Tipo: mixto (prestación de servizos e xestión de servizo público).

b) Descrición: o presente contrato ten por obxecto a prestación dos servizos indicados no punto 4.1 do CCC, axustándose aos termos definidos no PPT.

c) CPV (referencia de nomenclatura): 90510000.

d) Medio de publicación do anuncio de licitación: Diario Oficial de la Unión Europea, Boletín Oficial del Estado e Diario Oficial de Galicia.

e) Data de publicación do anuncio de licitación: Diario Oficial de la Unión Europea do 2 de outubro; Boletín Oficial del Estado do 10 de outubro; Diario Oficial de Galicia do 7 de outubro de 2015.

3. Tramitación e procedemento.

a) Tramitación: ordinaria e documentalmente simplificada.

b) Procedemento: aberto; sistema multicriterio e suxeito a regulación harmonizada.

4. Valor estimado do contrato: 228.853,68 euros, IVE excluído.

5. Orzamento base de licitación. Importe neto: 156.036,60 euros. Imposto sobre o valor engadido (21 %): 32.767,69 euros. Importe total: 188.804,29 euros.

6. Formalización do contrato.

a) Data de adxudicación: 22 de xuño de 2016.

b) Data de formalización do contrato: 12 de agosto de 2016.

c) Contratista: Limpieza Marítima de Óleos, S.L.U. (Limpoil).

d) Importe ou canon de adxudicación. Importe neto: 151.355,50 euros. Imposto sobre o valor engadido (21 %): 31.784,66 euros. Importe total: 183.140,16 euros.

e) Ventaxes da oferta adxudicataria: oferta economicamente máis vantaxosa. Porcentaxe de redución dos importes das tarifas fixadas no PPT: 2,00 %.

Santiago de Compostela, 17 de agosto de 2016

José Juan Durán Hermida
Presidente de Portos de Galicia