Mediante Resolución da Alcaldía, do 29 de agosto de 2016, convócase proceso de selección para a contratación urxente, con carácter temporal, dun técnico en turismo para realizar os traballos de información turística na oficina municipal.

O período de contratación será de catro (4) meses e rematará, en todo caso, o 31 de decembro de 2016.

Os aspirantes deberán posuír algunha das seguintes titulacións: técnico superior en Guía, Información e Asistencia Turística; técnico en Empresas e Actividades Turísticas; grao ou diplomado en Turismo ou equivalente homologado; grao ou licenciatura en Historia do Arte; grao ou licenciatura en Humanidades.

O prazo de presentación de solicitudes e documentación é de dez días hábiles contados desde o seguinte ao da publicación deste anuncio no DOG.

As bases estarán á disposición dos interesados nas oficinas municipais e na páxina web do Concello.

Arzúa, 5 de setembro de 2016

José Luis García López
Alcalde