DOG 217 do 14/11/2016 - ORDE do 4 de novembro de 2016 pola que se procede ao nomeamento como funcionario do corpo facultativo de grao medio de administración especial da Administración xeral da Comunidade Autónoma de Galicia, subgrupo A2, escala de enxeñeiros/as técnicos/as, especialidade de topografía, do aspirante que superou o proceso selectivo extraordinario de consolidación convocado pola Orde do 9 de maio de 2014.

IV. Oposicións e concursos

Consellería de Facenda

ORDE do 4 de novembro de 2016 pola que se procede ao nomeamento como funcionario do corpo facultativo de grao medio de administración especial da Administración xeral da Comunidade Autónoma de Galicia, subgrupo A2, escala de enxeñeiros/as técnicos/as, especialidade de topografía, do aspirante que superou o proceso selectivo extraordinario de consolidación convocado pola Orde do 9 de maio de 2014.

Unha vez rematado o proceso selectivo extraordinario de consolidación para o ingreso no corpo facultativo de grao medio da Xunta de Galicia, subgrupo A2, escala de topógrafos/as, convocado pola Orde da Consellería de Facenda do 9 de maio de 2014 (DOG núm. 99, do 26 de maio), e realizado o acto de elección de destino definitivo previsto na Orde do 11 de outubro de 2016 (DOG núm. 201, do 21 de outubro), esta consellería, de conformidade co disposto na Lei 2/2015, do 29 de abril, do emprego público de Galicia e demais normas concordantes,

DISPÓN:

Primeiro. Nomear funcionario do corpo facultativo de grao medio de administración especial da Administración xeral da Comunidade Autónoma de Galicia, subgrupo A2, escala de enxeñeiros/as técnicos/as, especialidade de topografía, o aspirante aprobado que se relaciona no anexo desta orde, e adxudicarlle como destino definitivo o que figura no mesmo anexo, de acordo co acto de elección de destino que tivo lugar o día 4 de novembro de 2016.

Para adquiriren a condición de funcionario, a persoa a que se refire o anexo desta orde deberá cumprir os requisitos exixidos no artigo 60 da Lei 2/2015, do 29 de abril, e tomar posesión do correspondente posto de traballo no prazo dun mes, que comezará a computarse a partir do día seguinte ao da publicación desta orde no Diario Oficial de Galicia.

Segundo. Contra esta orde, que pon fin á vía administrativa, poderase interpoñer, con carácter potestativo, recurso de reposición ante o conselleiro de Facenda no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 4 de novembro de 2016

Valeriano Martínez García
Conselleiro de Facenda

ANEXO

Acceso libre:

Núm.

DNI

Apelidos

e nome

Posto elixido

Código do posto

Cons.

Denominación

Subgrupo

Nivel

Centro directivo

Centro destino

Concello

Titulación

34995245D

De Arcos Rey, Antonio

MAA992000015770007

Enxeñeiro técnico topógrafo

Augas de Galicia (servizos periféricos)

Demarcación Galicia - Centro (Santiago de Compostela)

Santiago de Compostela

Enx. técn. topográfica