DOG 238 do 15/12/2016 - ANUNCIO do extracto da convocatoria e das bases do proceso de selección para a provisión en propiedade dunha praza de administrativo vacante no cadro de persoal municipal, incluída na oferta pública de emprego correspondente ao exercicio do ano 2016.

VI. Anuncios

b) Administración local

Concello do Irixo

ANUNCIO do extracto da convocatoria e das bases do proceso de selección para a provisión en propiedade dunha praza de administrativo vacante no cadro de persoal municipal, incluída na oferta pública de emprego correspondente ao exercicio do ano 2016.

No Boletín Oficial da provincia de Ourense número 269, do 23 de novembro de 2016, publícanse as bases xerais para prover a seguinte praza:

Número de vacantes: unha. Denominación: administrativo. Escala: administración xeral. Subescala: administrativa. Grupo: C-1. Sistema de provisión: concurso-oposición.

Presentación de solicitudes: presentaranse no modelo oficial que se facilitará no Concello do Irixo.

Lugar de presentación: no rexistro de entrada deste concello ou ben mediante o procedemento que regula o artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común. Dirixiranse ao alcalde presidente do Concello do Irixo.

Prazo de presentación: vinte días naturais contados a partir do día seguinte ao da publicación do anuncio da convocatoria no BOE.

Faise constar expresamente que os sucesivos anuncios que deriven da convocatoria se publicarán no Boletín Oficial da provincia de Ourense e no taboleiro de anuncios desta corporación.

O Irixo, 23 de novembro de 2016

Manuel Penedo Paradela
Alcalde