De conformidade co disposto na Lei orgánica 6/2001, do 21 de decembro (BOE do 24 de decembro), de universidades, modificada pola Lei orgánica 4/2007, do 12 de abril (BOE do 13 de abril), en diante LOU, e no Real decreto 1313/2007, do 5 de outubro, polo que se regula o réxime dos concursos de acceso a corpos docentes universitarios (BOE do 8 de outubro), en diante RDCA, e en virtude do establecido nos estatutos da Universidade de Vigo, aprobados polo Decreto 7/2010, do 14 de xaneiro (DOG do 2 de febreiro), da Xunta de Galicia, conforme os acordos adoptados polo Consello de Goberno, tras obter a autorización da Comunidade Autónoma de Galicia, e publicada no Diario Oficial de Galicia a oferta de emprego público do persoal docente e investigador para o ano 2016 (Resolución do 2 de novembro de 2016, DOG do 10 de novembro),
Esta reitoría, no uso das competencias recoñecidas pola LOU, resolveu convocar a concurso as prazas que figuran no anexo I da presente resolución, con suxeición ás seguintes
Bases da convocatoria
Primeira. Normas xerais
Este concurso rexerase pola LOU; o RDCA; a Lei 39/2015, do 1 de outubro, do procedemento administrativo común das administracións públicas (BOE do 2 de outubro), en diante Lei 39/2015; pola Lei 40/2015, do 1 de outubro, de réxime xurídico do sector público (BOE do 2 de outubro), en diante Lei 40/2015; polo Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público (BOE do 31 de outubro), en diante EBEP; polos estatutos da Universidade de Vigo, polo Regulamento de profesorado da Universidade de Vigo aprobado polo Claustro Universitario o 24 de xullo de 2012; pola normativa reguladora dos concursos de acceso aos corpos docentes universitarios aprobada polo Consello de Goberno do 8 de outubro de 2008; polas bases desta convocatoria e demais normativa que resulte de aplicación.
Segunda. Requisitos das persoas candidatas
2.1. Para poder ser admitidas á realización das presentes probas selectivas as persoas que sexan aspirantes deberán reunir os requisitos exixidos nesta base na data de finalización do prazo de presentación de solicitudes e mantelos ata a toma de posesión:
a) Ter nacionalidade española ou ser nacional dun Estado membro da Unión Europea ou nacional daqueles Estados aos cales, en virtude de tratados internacionais celebrados pola Unión Europea e ratificados por España, sexa de aplicación a libre circulación de traballadores e traballadoras nos termos establecidos no EBEP.
Tamén poderán participar o cónxuxe, descendentes e descendentes do cónxuxe, das persoas con nacionalidade española e de quen sexa nacional doutros Estados membros da Unión Europea, sempre que non estean separados de dereito, menores de vinteún anos ou maiores da dita idade que vivan ás súas expensas. Este último beneficio será igualmente de aplicación a familiares de nacionais doutros Estados cando así se prevexa nos tratados internacionais celebrados pola Unión Europea e ratificados por España.
Igualmente, poderán participar as persoas con nacionalidade estranxeira non comunitaria, cando se cumpran os requisitos establecidos no artigo 4 do RDCA.
b) Ter feitos os dezaseis anos de idade e non ter superado os setenta.
c) Estar en posesión da titulación de doutor ou doutora. No caso de títulos obtidos no estranxeiro, deberá achegarse credencial que acredite a súa homologación ou o seu recoñecemento para o exercicio como docente de universidade.
d) Dispor da acreditación para o corpo docente universitario de que se trate e cumprir os requisitos establecidos no artigo 4 do RDCA.
e) Ter aboado as taxas por dereitos de exame dentro do prazo de presentación de solicitudes.
f) Non ter sido separado do servizo, mediante expediente disciplinario, de ningunha Administración pública, nin atoparse en inhabilitación para o exercicio das funcións públicas. Quen sexa aspirante de nacionalidade distinta á española deberá acreditar non estar baixo sanción disciplinaria ou condena penal que impida, no seu Estado, o acceso á función pública.
g) Non padecer enfermidade nin estar afectado por limitación física ou psíquica que sexa incompatible co desempeño das funcións correspondentes á praza.
2.2. De conformidade co artigo 9.4 do RDCA e co artigo 65.2 da LOU, non poderá participar neste concurso quen ocupe unha praza de corpos docentes universitarios nesta ou noutra universidade, obtida mediante concurso de acceso, salvo que se producise o seu desempeño efectivo durante, polo menos, dous anos.
Terceira. Solicitudes
3.1. As solicitudes para participar no concurso axustaranse ao modelo que figura como anexo II desta convocatoria e dirixiranse ao reitor da Universidade de Vigo no prazo de vinte días naturais, contados a partir do día seguinte ao de publicación desta convocatoria no Boletín Oficial del Estado. Cando o último día do prazo sexa inhábil, entenderase prorrogado ao primeiro día hábil seguinte.
3.2. As solicitudes presentaranse no Rexistro Xeral (Reitoría, Campus Universitario, 36310 Vigo) ou nos rexistros auxiliares da Universidade de Vigo (Campus de Pontevedra, Campus de Ourense e r/ Torrecedeira, nº 86, Vigo) ou de acordo coas restantes formas previstas no artigo 16.4 da Lei 39/2015.
As solicitudes remitidas a través dunha oficina de Correos presentaranse en sobre aberto para que o persoal de Correos lles estampe a data de presentación na solicitude antes de ser certificada. O enderezo postal será o seguinte:
Rexistro Xeral da Universidade de Vigo
Edificio Xerencia-Servizos Centrais
Campus Lagoas-Marcosende, s/n
36310 Vigo (Pontevedra)
As solicitudes remitidas desde o estranxeiro deberán cursarse a través das representacións diplomáticas ou consulares españolas correspondentes, debendo figurar igualmente a data da súa presentación na solicitude. Neste caso, a presentación da solicitude comunicarase por correo electrónico á conta consultapdi@uvigo.es, enviando copia desta despois de tela presentado.
3.3. A publicación dos actos que integran este procedemento no taboleiro de anuncios do Edificio de Xerencia-Servizos Centrais servirá de notificación para todos os efectos, de acordo co previsto no artigo 45.1 da Lei 39/2015.
Con independencia dos lugares en que regulamentariamente deban publicarse, tanto a convocatoria como os actos e acordos que integran este proceso selectivo publicaranse a título divulgativo na páxina electrónica da Universidade de Vigo, no seguinte enderezo http://persoal.uvigo.es/persoal_gl/PDI/emprego/, na epígrafe «Convocatoria concursos de acceso».
3.4. Os dereitos de exame para cada praza (referencia) serán de 40,74 euros e ingresaranse na conta corrente número ES14 2080 0501 1231 1000 0112, Abanca, Taxas. O pagamento realizarase directamente nas oficinas da citada entidade, utilizando exclusivamente o impreso de solicitude (anexo II). A entidade bancaria fará constar no xustificante o código DF1601, e a persoa interesada engadirá a referencia da praza en que desexa participar. No caso de pagamento mediante transferencia bancaria deberá constar obrigatoriamente o nome e apelidos da persoa interesada e a referencia da praza a que concursa.
En ningún caso a mera presentación da solicitude e o pagamento na entidade bancaria suporá a substitución do trámite de presentación en tempo e forma da solicitude ante o órgano expresado na base 3.1.
Segundo o disposto no artigo 23 da Lei 6/2003, do 9 de decembro, de taxas, prezos e exaccións da Comunidade Autónoma de Galicia, estarán exentas do pagamento as persoas con discapacidade igual ou superior ao 33 % e os membros de familias numerosas clasificadas na categoría especial. Aplicarase unha bonificación do 50 % na taxa de inscrición aos membros de familias numerosas de categoría xeral. Nos tres supostos será necesario que coa solicitude presenten as respectivas certificacións que o acrediten.
Así mesmo, terán unha bonificación do 50 % da taxa as persoas que figurasen como demandantes de emprego desde, polo menos, os seis meses anteriores á data de publicación da presente convocatoria e non estean a percibir prestación ou subsidio por desemprego, aspectos que deberán ser certificados pola oficina dos servizos públicos de emprego.
Os dereitos de exame serán reintegrados de oficio ás persoas que sexan aspirantes cando as probas non se realicen, sempre que cubrisen os datos bancarios necesarios para facer a devolución.
3.5. Coa instancia achegarase necesariamente os seguintes documentos, e será causa de exclusión a falta dalgún deles:
a) Fotocopia do documento nacional de identidade. Quen sexa aspirante, non posúa a nacionalidade española e teña dereito a participar deberá presentar fotocopia do documento que acredite a súa nacionalidade e, de ser o caso, os documentos que acrediten o vínculo de parentesco e o feito de vivir a expensas ou estar a cargo de quen sexa nacional doutro Estado co que teña o dito vínculo. Así mesmo, deberán presentar declaración xurada ou promesa de non estar separados de dereito do seu cónxuxe e, se é o caso, do feito de que viven ás súas expensas ou están ao seu cargo.
b) Fotocopia compulsada do título de doutor ou doutora. Cando corresponda, deberá acompañarse da credencial de homologación ou recoñecemento profesional.
c) Fotocopia compulsada dos documentos que acrediten o cumprimento dos requisitos que se sinalan na letra d) da base 2.1.
d) No caso de aspirantes que ocupen unha praza de corpos docentes universitarios (funcionarios), certificación orixinal (folla de servizos) da universidade u organismo de que dependan, que acredite o seu desempeño. O Servizo de Persoal Docente e Investigador emitirá de oficio a folla de servizos dos aspirantes que pertenzan á Universidade de Vigo.
e) Xustificante de ter aboado os dereitos de exame.
3.6. Os erros de feito que se puidesen advertir, poderán emendarse en calquera momento, de oficio ou por petición da persoa interesada. Quen sexa aspirante queda vinculado aos datos que fixese constar nas súas solicitudes, podendo unicamente demandar a súa modificación mediante escrito motivado, dentro do prazo establecido na base 3.1 para a presentación de solicitudes. Transcorrido este prazo non se admitirá ningunha petición desta natureza, excepto causa excepcional sobrevida, xustificada e discrecionalmente apreciada pola Universidade.
Cuarta. Admisión de aspirantes
4.1. No prazo máximo de quince (15) días hábiles contados desde o remate do prazo de presentación de solicitudes, o reitor da Universidade de Vigo ditará unha resolución en que se aprobe a relación provisional de persoas admitidas e excluídas, con indicación das causas de exclusión.
4.2. As persoas interesadas poderán presentar reclamación ante o reitor contra a dita resolución no prazo de dez (10) días hábiles contados desde o día seguinte ao da súa publicación. Posteriormente ditarase unha resolución reitorial en que se aprobe a relación definitiva de persoas admitidas e excluídas. As reclamacións entenderanse resoltas coa publicación da lista definitiva.
Quinta. Comisións de acceso
5.1. As comisións de acceso deberán procurar unha composición equilibrada entre mulleres e homes, salvo cando non sexa posible por razóns fundadas e obxectivas, debidamente motivadas. De acordo co que establece o artigo 83 dos estatutos da Universidade de Vigo, a composición das comisións é a que figura no anexo III desta convocatoria e terá a categoría primeira das recollidas no artigo 30 do Real decreto 462/2002, do 24 de maio, sobre indemnizacións por razón do servizo.
Salvo petición expresa da presidencia e debidamente autorizada, cada comisión terá a súa sede e actuará no centro en que teña a súa sede o departamento a que se adscriba a praza convocada.
A Universidade fará públicos os currículum vítae dos membros das comisións de acceso na dirección de internet: http://persoal.uvigo.es/persoal_gl/PDI/emprego/, epígrafe «convocatorias concursos de acceso».
O nomeamento como membro dunha comisión é irrenunciable, salvo cando concorra causa xustificada, debidamente alegada pola persoa interesada e así apreciada por esta reitoría. Os membros da comisión deberán absterse de actuar e poderán ser recusados nos casos e polos motivos previstos no artigo 23 da Lei 40/2015. Resolta a renuncia, a abstención ou a recusación, as persoas afectadas serán substituídas polos respectivos suplentes e, na súa falta, por orde correlativa e, en último caso, resolverá o reitor.
5.2. As comisións deberán constituírse no prazo dun mes desde a publicación da relación definitiva de persoas admitidas e excluídas. Transcorrido o prazo sen que se constituíse a comisión correspondente, o reitor procederá á substitución da persoa que exerza a presidencia titular.
5.3. A constitución de cada comisión exixirá a asistencia de cinco dos seus membros, titulares ou suplentes, se é o caso. A presidencia, unha vez realizadas as consultas pertinentes cos restantes membros, convocará a quen sexa membro titular e, de ser o caso, suplente, cunha antelación mínima de dez días hábiles, e fixará lugar, data e hora para proceder ao acto de constitución da comisión. Os membros titulares serán substituídos polos seus respectivos suplentes, en primeiro lugar, ou por orde correlativa.
No acto de constitución a comisión establecerá os criterios de valoración do concurso adecuados ao perfil de cada praza e faraos públicos antes do acto de presentación dos candidatos e candidatas.
5.4. Unha vez constituída a comisión, en caso de ausencia da persoa que exerza a presidencia será substituída polo catedrático ou catedrática de universidade con maior antigüidade que teña recoñecidos, polo menos, dous tramos de investigación.
5.5. Para que a comisión poida actuar validamente requirirase a asistencia de, polo menos, tres dos seus membros entre os que figurarán obrigatoriamente as persoas que ocupen a presidencia e a secretaría. Os membros da comisión que estivesen ausentes da proba cesarán en tal condición, sen prexuízo das responsabilidades en que puidesen ter incorrido.
5.6. Á secretaría de cada comisión corresponderanlle as actuacións administrativas e a xestión económica propias da comisión, auxiliada polo persoal de administración e servizos do departamento a que estea adscrita a praza.
5.7. Durante o desenvolvemento do concurso, a comisión resolverá as dúbidas que puidesen xurdir na aplicación destas normas, así como o que proceda nos casos non previstos nelas. En todo momento a súa actuación axustarase ao disposto na Lei 39/2015 e na Lei 40/2015.
Sexta. Acto de presentación e proba
6.1. A presidencia da comisión convocará a quen participe no concurso ao acto de presentación cunha antelación mínima de dez días hábiles, indicando lugar e hora para realizar o acto de presentación.
6.2. No acto de presentación, que será público, quen sexa concursante entregará:
a) Currículum vítae por sextuplicado, que deberá axustarse ao modelo que se achega como anexo IV, en que detallará os seus méritos, historial académico docente e investigador.
b) O seu proxecto docente e investigador adecuado ao perfil do concurso, tamén por sextuplicado.
c) Un exemplar das publicacións e dos documentos acreditativos do consignado no currículum, con independencia de que a comisión poida solicitar documentación complementaria acreditativa orixinal ou compulsada.
6.3. No acto de presentación determinarase, mediante sorteo, a orde de actuación das persoas candidatas, e a comisión fixará e publicará o lugar, a data e a hora de comezo da proba, a cal deberá iniciarse no prazo máximo de dez (10) días hábiles, contados desde o día seguinte ao acto de presentación. Este prazo poderá ser renunciable por escrito por parte das persoas concursantes. Igualmente, a comisión fixará o prazo durante o que poderán examinar a documentación presentada polas restantes persoas que concursen.
6.4. A comisión valorará exclusivamente os méritos que, sendo alegados no currículum vítae por quen sexa aspirante, estean debidamente xustificados, sempre referidos a data de remate do prazo de presentación de solicitudes.
6.5. Os concursos realizaranse en dependencias da Universidade de Vigo. Constarán dunha única proba, que será pública e que consistirá na exposición oral, durante un tempo mínimo de trinta minutos e máximo de dúas horas, dos méritos e historial académico docente e investigador, así como do proxecto docente e investigador presentado. A continuación, a comisión debaterá co candidato ou candidata durante un tempo máximo de dúas horas sobre os seus méritos, o seu proxecto docente e investigador e a adecuación destes ao perfil da praza obxecto de concurso.
6.6. Finalizada a proba, cada membro da comisión entregaralle á presidencia un informe razoado axustado aos criterios previamente fixados, de cada unha das persoas que concursen, con expresión explícita de voto favorable ou desfavorable.
6.7. Para superar a proba é necesario obter, polo menos, tres votos favorables dos membros da comisión. De non acadar ningunha candidatura polo menos tres votos favorables, o proceso poderá concluír coa proposta de non provisión, que deberá ser suficientemente motivada.
6.8. A proposta de provisión de prazas realizarase con base nos votos favorables recibidos dos membros da comisión. En caso de empate recorrerase á votación, sen que sexa posible a abstención. De persistir o empate, dirimirá o voto da presidencia.
Sétima. Proposta, presentación de documentos e nomeamento
7.1. A comisión proporá ao reitor, motivadamente e con carácter vinculante, unha relación de todas as persoas candidatas que superasen a proba por orde de preferencia. A comisión poderá propor a non provisión da praza xustificando esta decisión. Esta proposta será publicada no centro onde se celebrou a proba e servirá de notificación ás persoas interesadas para todos os efectos.
7.2. No prazo dos tres días hábiles seguintes ao de finalización da súa actuación, a secretaría da comisión entregará na Secretaría Xeral da Universidade de Vigo a documentación completa relativa as súas actuacións e un exemplar da documentación presentada por cada persoa que concursase.
7.3. As persoas propostas para a provisión das prazas deberán presentar no prazo dos vinte días naturais seguintes ao de publicación da proposta da comisión no lugar de celebración da proba, nos lugares e conforme o procedemento previsto na base 3.2, os seguintes documentos:
a) Declaración xurada ou promesa de non incorrer en incompatibilidade segundo o establecido na Lei 53/1984, do 26 de decembro, de incompatibilidades do persoal ao servizo das administracións públicas (BOE do 4 de xaneiro de 1985).
b) Declaración xurada ou promesa de non ter sido separado mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos de conformidade co establecido no artigo 56.1.d) do EBEP.
No caso de ser nacional doutro Estado, acreditar que non se encontra inhabilitado ou en situación equivalente nin que foi sometido a sanción disciplinaria ou equivalente que impida, no seu Estado, nos mesmos termos, o acceso ao emprego público.
c) Certificado médico oficial de non padecer enfermidade nin defecto físico ou psíquico que o incapacite para o desempeño das funcións correspondentes a docente de universidade.
Quen teña a condición de funcionario de carreira estará exento de xustificar e presentar os documentos das alíneas b) e c), debendo presentar certificado (folla de servizos) da universidade ou organismo de que dependan acreditativo da súa condición e de cantas circunstancias consten na súa folla de servizos. De acordo coa base 3.3.d), non será necesario este certificado cando fose achegado coa solicitude de participación.
7.4. O reitor da Universidade de Vigo efectuará o nomeamento como funcionario ou funcionaria docente de carreira das persoas propostas pola comisión nun número delas que non exceda o número de prazas convocadas a concurso, unha vez que teñan acreditado no prazo a documentación requirida. De non facelo, o reitor procederá ao nomeamento da seguinte persoa na orde proposta.
7.5. O nomeamento especificará a denominación da praza: corpo e área de coñecemento. Comunicarase ao correspondente rexistro para os efectos de outorgamento do número de rexistro de persoal e inscrición nos corpos respectivos, remitirase para a súa publicación ao Boletín Oficial del Estado e ao Diario Oficial de Galicia e comunicarase á Secretaría Xeral do Consello de Coordinación Universitaria.
7.6. No prazo máximo de vinte (20) días hábiles, contados desde o seguinte ao de publicación do nomeamento no Boletín Oficial del Estado, a persoa proposta deberá tomar posesión do seu destino, momento en que adquirirá a condición de funcionario ou funcionaria de carreira do corpo de que se trate.
7.7. As referencias a necesidades e obrigacións docentes e ao centro de adscrición que poida conter a convocatoria non suporán dereito de vinculación exclusiva a tal actividade docente e destino para quen teña adxudicada a praza.
Oitava. Comisión de reclamacións
8.1. Contra a proposta da comisión, as persoas admitidas no concurso poderán presentar reclamación ante o reitor da Universidade de Vigo, no prazo máximo de dez días hábiles, contados desde o seguinte ao da súa publicación no lugar de celebración da proba. Admitida a trámite a reclamación, suspenderase o nomeamento ata a súa resolución definitiva.
8.2. As reclamacións que se presenten anunciaranse no taboleiro de anuncios do Rexistro Xeral da Universidade de Vigo, publicación que servirá de notificación para todos os efectos. As persoas interesadas disporán dun prazo de dez (10) días naturais para formular alegacións sobre o contido da reclamación.
8.3. As reclamacións serán valoradas pola Comisión de Reclamacións da Universidade de Vigo, que examinará o expediente relativo ao concurso, valorará os aspectos puramente procedementais e verificará o efectivo respecto, por parte da Comisión de Selección, da igualdade de condicións dos candidatos e candidatas e dos principios de mérito e de capacidade destes no procedemento do concurso de acceso. Resolverá no prazo máximo de tres meses, ratificando ou non a proposta reclamada. Neste último caso, retrotraerase o expediente ata o momento en que se produciu o vicio, debendo a Comisión de Selección formular nova proposta, tras o que o reitor ditará a resolución de acordo coa proposta da Comisión de Reclamacións.
8.4. As resolucións do reitor a que se refire o punto anterior deste artigo esgotan a vía administrativa e serán impugnables directamente ante a xurisdición contencioso-administrativa, de acordo co establecido na Lei 29/1998, do 13 de xullo, reguladora da xurisdición contencioso-administrativa.
Novena. Devolución da documentación presentada polos/polas aspirantes.
A documentación presentada no concurso deberá ser retirada da Secretaría Xeral, logo da petición da persoa interesada, dentro do prazo de tres meses contados desde a finalización do procedemento ou, se é o caso, desde que a resolución impugnada adquira firmeza. A documentación que non fose retirada no dito prazo será destruída.
Décima. Protección de datos
De conformidade co disposto na Lei orgánica 15/1999, de protección de datos de carácter persoal (BOE núm. 298, do 14 de decembro), os datos facilitados por quen sexa aspirante, pasarán a formar parte do ficheiro de persoal, cuxa finalidade é a xestión do persoal da Universidade de Vigo, xestión da docencia e investigación, xestión da participación do persoal nos servizos e actos administrativos, así como a xestión da participación dos candidatos e candidatas nos procesos de selección. Os datos contidos neste arquivo poderán ser tratados con fins históricos, estatísticos ou científicos.
Décimo primeira. Norma derradeira
11.1. O tempo transcorrido entre a publicación da presente convocatoria e a resolución do concurso non poderá exceder catro meses. Para estes efectos o mes de agosto considerarase inhábil.
11.2. Contra esta resolución, que esgota a vía administrativa, poderase interpoñer recurso perante a xurisdición contencioso-administrativa no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.
As persoas interesadas poderán optar por interpoñer recurso de reposición no prazo dun mes contado a partir do día seguinte ao da publicación desta resolución, perante o reitor. Neste caso non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición interposto, segundo o previsto no artigo 123.2 da Lei 39/2015.
Vigo, 2 de decembro de 2016
Salustiano Mato de la Iglesia
Reitor da Universidade de Vigo
ANEXO I
Datos das prazas
1
Código: |
DF1601-C01-410-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-410 Fisioloxía |
Departamento: |
C01 Bioloxía Funcional e Ciencias da Saúde |
Actividade docente e investigadora: |
Docencia en fisioloxía do exercicio. Investigación en endocrinoloxía do metabolismo |
Centro de traballo: |
302 Facultade de Bioloxía-Vigo |
2
Código: |
DF1601-H05-490-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-490 Historia Moderna |
Departamento: |
H05 Historia, Arte e Xeografía |
Actividade docente e investigadora: |
Docencia en materias da área |
Centro de traballo: |
301 Facultade de Filoloxía e Tradución-Vigo |
3
Código: |
DF1601-H12-814-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-814 Tradución e Interpretación |
Departamento: |
H12 Tradución e Lingüística |
Actividade docente e investigadora: |
Tradución especializada entre lingua A1 e A2. Tradución especializada, idioma II: administrativo-económica (fr-glg). Ferramentas para a tradución e interpretación III: terminoloxía |
Centro de traballo: |
301 Facultade de Filoloxía e Tradución-Vigo |
4
Código: |
DF1601-T03-590-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-590 Máquinas e Motores Térmicos |
Departamento: |
T03 Enxeñaría Mecánica, Máquinas e Motores Térmicos e Fluídos |
Actividade docente e investigadora: |
G290706 Xestión da enerxía térmica. M148112 Eficiencia térmica e coxeración |
Centro de traballo: |
312 Escola de Enxeñaría Industrial-Vigo |
5
Código: |
DF1601-T03-600-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-600 Mecánica de Fluídos |
Departamento: |
T03 Enxeñaría Mecánica, Máquinas e Motores Térmicos e Fluídos |
Actividade docente e investigadora: |
Fundamentos do modelado numérico de procesos termofluidodinámicos |
Centro de traballo: |
312 Escola de Enxeñaría Industrial-Vigo |
6
Código: |
DF1601-X04-215-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-215 Didáctica e Organización Escolar |
Departamento: |
X04 Didáctica, Organización Escolar e Métodos de Investigación |
Actividade docente e investigadora: |
Escola inclusiva e atención á diversidade |
Centro de traballo: |
202 Fac. CC. Educación e do Deporte-Pontevedra |
7
Código: |
DF1601-X05-187-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-187 Didáctica da Expresión Corporal |
Departamento: |
X05 Didácticas Especiais |
Actividade docente e investigadora: |
Educación física e a súa didáctica na idade infantil (O05G110V01503) |
Centro de traballo: |
202 Fac. CC. Educación e do Deporte-Pontevedra |
8
Código: |
DF1601-X05-245-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-245 Educación Física e Deportiva |
Departamento: |
X05 Didácticas Especiais |
Actividade docente e investigadora: |
A educación física como medio de interdisciplinariedade (P02G110V01921). Fundamentos dos deportes colectivos I: balonmán (P02G050V01303) |
Centro de traballo: |
202 Fac. CC. Educación e do Deporte-Pontevedra |
9
Código: |
DF1601-X05-245-TU-02 |
Nº de prazas: |
1 |
Corpo: |
Titular de universidade |
Área de coñecemento: |
A-245 Educación Física e Deportiva |
Departamento: |
X05 Didácticas Especiais |
Actividade docente e investigadora: |
Seguridade e hábitos saudables a través da educación física (P02G110V01925). Actividade física e deporte adaptado (P02G050V01601) |
Centro de traballo: |
202 Fac. CC. Educación e do Deporte-Pontevedra |
10
Código: |
DF1601-X11-070-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-070 Ciencia Política e da Administración |
Departamento: |
X11 Socioloxía, Ciencia Política e da Administración e Filosofía |
Actividade docente e investigadora: |
Unión Europea: institucións e proceso político |
Centro de traballo: |
204 Fac. CC. Sociais e da Comunicación-Pontevedra |
11
Código: |
DF1601-X13-140-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-140 Dereito do Traballo e da Seguridade Social |
Departamento: |
X13 Dereito Público Especial |
Actividade docente e investigadora: |
Dereito do traballo e da seguridade social (grao en Dereito), dereito social comunitario (grao en Relacións Laborais e Recursos Humanos) |
Centro de traballo: |
308 Fac. CC. Xurídicas e do Traballo-Vigo |
12
Código: |
DF1601-X14-105-TU-01 |
Nº de prazas: |
1 |
Corpo: |
Titular de universidade |
Área de coñecemento: |
A-105 Comunicación Audiovisual e Publicidade |
Departamento: |
X14 Comunicación Audiovisual e Publicidade |
Actividade docente e investigadora: |
Teoría e práctica das relacións públicas |
Centro de traballo: |
204 Fac. CC. Sociais e da Comunicación-Pontevedra |
ANEXO II
Solicitude de participación
DATOS DA CONVOCATORIA (Resolución reitoral do 2 de decembro de 2016) |
|||
Código da convocatoria: DF1601 |
Código da praza: DF1601- |
Corpo docente: |
|
Área de coñecemento: |
|||
Departamento: |
Centro de destino da praza: |
||
Actividades asignadas á praza: |
DATOS PERSOAIS E PROFESIONAIS |
|||||||||||||
Apelidos |
Nome |
Xénero |
c Home c Muller |
||||||||||
DNI |
Data de nacemento |
Lugar de nacemento |
Provincia de nacemento |
||||||||||
Enderezo/Lugar para efectos de notificacións |
Código postal |
||||||||||||
Municipio |
Provincia |
Enderezo electrónico e teléfono |
|||||||||||
Caso de ser empregado/a público (funcionario/a de carreira ou persoal laboral): |
|||||||||||||
Denominación do corpo ou praza |
Organismo |
Data de ingreso |
Número de rexistro persoal |
||||||||||
Situación: |
c Servizo activo c Excedente voluntario: |
c Servizos especiais: c Outras (especificar): |
|||||||||||
De proceder a devolución das taxas, indique o código IBAN e os 20 díxitos da súa conta bancaria: c c c c - c c c c - c c c c - c c - c c c c c c c c c c |
A persoa que asina
SOLICITA: Ser admitida no concurso da praza referenciada, comprometéndose, caso de superalo, a formular o xuramento ou promesa de acordo co establecido no Real decreto 707/1979, do 5 de abril, e
DECLARA: Que son certos todos e cada un dos datos consignados nesta solicitude, que reúne as condicións exixidas na convocatoria anteriormente referida, e todas as necesarias para o acceso á función pública.
………………………….., ………… de …………….………………. de 20…
(sinatura)
Reitor da Universidade de Vigo
Achegar copia do xustificante bancario ou esta solicitude co selo da entidade bancaria
Ingreso na conta ES14-2080-0501-1231-1000 0112 Abanca, O.P. Vigo. Universidade de Vigo. Taxas. |
Marque o importe para ingresar: (Base terceira: requisitos) |
c 40,74 euros c 20,37 euros (xustificar) c Exento/a (xustificar) |
ANEXO III
Comisións de acceso
Praza nº 1: DF1601-C01-410-TU-01
Área: Fisioloxía
Cargo |
Nome |
Corpo |
Universidade |
Comisión titular |
|||
Presidencia |
Federico Mallo Ferrer |
Catedrático |
Vigo |
Secretaría |
José Antonio Lamas Castro |
Titular |
Vigo |
Vogalía primeira |
Manuel José Tena Sempere |
Catedrático |
Córdoba |
Vogalía segunda |
Miguel Antonio López Pérez |
Titular |
Santiago de Compostela |
Vogalía terceira |
María Clara Álvarez Villamarín |
Titular |
Santiago de Compostela |
Comisión suplente |
|||
Presidencia |
Leonor Pinilla Jurado |
Catedrática |
Córdoba |
Secretaría |
Román Pérez Fernández |
Titular |
Santiago de Compostela |
Vogalía primeira |
Rosa María Señarís Rodríguez |
Catedrática |
Santiago de Compostela |
Vogalía segunda |
Carlos Diéguez González |
Catedrático |
Santiago de Compostela |
Vogalía terceira |
Celia María Pombo Ramos |
Titular |
Santiago de Compostela |
Praza nº 2: DF1601-H05-490-TU-01
Área: Historia Moderna
Cargo |
Nome |
Corpo |
Universidade |
Comisión titular |
|||
Presidencia |
Laureano Manuel Rubio Pérez |
Catedrático |
León |
Secretaría |
María López Díaz |
Titular |
Vigo |
Vogalía primeira |
Camilo Jesús Fernández Cortizo |
Titular |
Santiago de Compostela |
Vogalía segunda |
María del Carmen Saavedra Vázquez |
Titular |
Santiago de Compostela |
Vogalía terceira |
María José Pérez Álvarez |
Titular |
León |
Comisión suplente |
|||
Presidencia |
Pegerto Saavedra Fernández |
Catedrático |
Santiago de Compostela |
Secretaría |
Roberto Javier López López |
Titular |
Santiago de Compostela |
Vogalía primeira |
Hortensio Sobrado Correa |
Titular |
Santiago de Compostela |
Vogalía segunda |
Alfredo Andrés Martín García |
Titular |
León |
Vogalía terceira |
Inés Gómez González |
Titular |
Granada |
Praza nº 3: DF1601-H12-814-TU-01
Área: Tradución e Interpretación
Cargo |
Nome |
Corpo |
Universidade |
Comisión titular |
|||
Presidencia |
María Elena Sánchez Trigo |
Catedrática |
Vigo |
Secretaría |
Áurea Fernández Rodríguez |
Titular |
Vigo |
Vogalía primeira |
Esther Morillas García |
Titular |
Málaga |
Vogalía segunda |
Luis Alonso Bacigalupe |
Titular |
Vigo |
Vogalía terceira |
Mercé Lorente Casafont |
Titular |
Pompeu Fabra |
Comisión suplente |
|||
Presidencia |
Ricardo Muñoz Martín |
Catedrático |
Las Palmas de Gran Canaria |
Secretaría |
Ana Luna Alonso |
Titular |
Vigo |
Vogalía primeira |
Jorge Jesús Leiva Rojo |
Titular |
Málaga |
Vogalía segunda |
Luis Pejenaute Rodríguez |
Titular |
Pompeu Fabra |
Vogalía terceira |
Susana Cruces Colado |
Titular |
Vigo |
Praza nº 4: DF1601-T03-590-TU-01
Área: Máquinas e Motores Térmicos
Cargo |
Nome |
Corpo |
Universidade |
Comisión titular |
|||
Presidencia |
José Luis Míguez Tabarés |
Catedrático |
Vigo |
Secretaría |
Enrique Granada Álvarez |
Titular |
Vigo |
Vogalía primeira |
David Patiño Vilas |
Titular |
Vigo |
Vogalía segunda |
Jacobo Porteiro Fresco |
Titular |
Vigo |
Vogalía terceira |
María del Pilar Dorado Pérez |
Catedrática |
Córdoba |
Comisión suplente |
|||
Presidencia |
Joaquín Zueco Jordán |
Catedrático |
Politécnica de Cartagena |
Secretaría |
María Belén Folgueras Díaz |
Titular |
Oviedo |
Vogalía primeira |
Luis María López González |
Catedrático |
La Rioja |
Vogalía segunda |
Jorge Carlos Morán González |
Titular |
Vigo |
Vogalía terceira |
Cristina Alonso Tristán |
Titular |
Burgos |
Praza nº 5: DF1601-T03-600-TU-01
Área: Mecánica de Fluídos
Cargo |
Nome |
Corpo |
Universidade |
Comisión titular |
|||
Presidencia |
Ángel Gerardo Velázquez López |
Catedrático |
Politécnica de Madrid |
Secretaría |
José Luis Míguez Tabarés |
Catedrático |
Vigo |
Vogalía primeira |
María Inmaculada Iglesias Estradé |
Titular |
Carlos III de Madrid |
Vogalía segunda |
Marta María Cabeza Simó |
Titular |
Vigo |
Vogalía terceira |
Estrella Álvarez da Costa |
Catedrática |
Vigo |
Comisión suplente |
|||
Presidencia |
Antonio Luis Sánchez Pérez |
Catedrático |
Carlos III de Madrid |
Secretaría |
Jacobo Porteiro Fresco |
Titular |
Vigo |
Vogalía primeira |
Juan Ramón Arias Pérez |
Titular |
Politécnica de Madrid |
Vogalía segunda |
Jaime Sieres Atienza |
Titular |
Vigo |
Vogalía terceira |
Gloria Pena Urís |
Titular |
Vigo |
Praza nº 6: DF1601-X04-215-TU-01
Área: Didáctica e Organización Escolar
Cargo |
Nome |
Corpo |
Universidade |
Comisión titular |
|||
Presidencia |
María Ángeles Pilar Parrilla Latas |
Catedrática |
Vigo |
Secretaría |
Manuela Raposo Rivas |
Titular |
Vigo |
Vogalía primeira |
Anabel Moriña Díez |
Titular |
Sevilla |
Vogalía segunda |
Teresa Susinos Rada |
Titular |
Cantabria |
Vogalía terceira |
Joan Jordi Muntaner Guasp |
Catedrático |
Illes Balears |
Comisión suplente |
|||
Presidencia |
Miguel Ángel Zabalza Beraza |
Catedrático |
Santiago de Compostela |
Secretaría |
José Manuel Coronel Llamas |
Catedrático |
Huelva |
Vogalía primeira |
María del Carmen Gallego Vega |
Titular |
Sevilla |
Vogalía segunda |
Manuel Damián Cebrián de la Serna |
Catedrático |
Málaga |
Vogalía terceira |
Xurxo Torres Santomé |
Catedrático |
A Coruña |
Praza nº 7: DF1601-X05-187-TU-01
Área: Didáctica da Expresión Corporal
Cargo |
Nome |
Corpo |
Universidade |
Comisión titular |
|||
Presidencia |
Onofre Ricardo Contreras Jordán |
Catedrático |
Castilla-La Mancha |
Secretaría |
María Luisa Zagalaz Sánchez |
Catedrática |
Jaén |
Vogalía primeira |
María del Mar Cepero González |
Titular |
Granada |
Vogalía segunda |
Pedro Gil Madrona |
Titular |
Castilla-La Mancha |
Vogalía terceira |
Silvia Arribas Galarraga |
Titular |
País Vasco |
Comisión suplente |
|||
Presidencia |
José Antonio Cecchini Estrada |
Catedrático |
Oviedo |
Secretaría |
Carmen González González de Mesa |
Titular |
Oviedo |
Vogalía primeira |
Arturo Díaz Suárez |
Catedrátrico |
Murcia |
Vogalía segunda |
Santiago Romero Granados |
Catedrático |
Sevilla |
Vogalía terceira |
José Palacios Aguilar |
Titular |
A Coruña |
Praza nº 8: DF1601-X05-245-TU-01
Área: Educación Física e Deportiva
Cargo |
Nome |
Corpo |
Universidade |
Comisión titular |
|||
Presidencia |
Sergio Ibáñez Godoy |
Catedrático |
Extremadura |
Secretaría |
José María Cancela Carral |
Titular |
Vigo |
Vogalía primeira |
Leonor Gallardo Guerrero |
Titular |
Castilla-La Mancha |
Vogalía segunda |
Juan José Fernández Romero |
Titular |
A Coruña |
Vogalía terceira |
Luis Javier Chirosa Rios |
Titular |
Granada |
Comisión suplente |
|||
Presidencia |
José Gerardo Villa Vicente |
Catedrático |
León |
Secretaría |
Ana Isabel Rey Cao |
Titular |
Vigo |
Vogalía primeira |
Marta Zubiaur González |
Titular |
León |
Vogalía segunda |
Alfonso Gutiérrez Santiago |
Titular |
Vigo |
Vogalía terceira |
María Belén Feriche Fernández-Castanys |
Titular |
Granada |
Praza nº 9: DF1601-X05-245-TU-02
Área: Educación Física e Deportiva
Cargo |
Nome |
Corpo |
Universidade |
Comisión titular |
|||
Presidencia |
José Gerardo Villa Vicente |
Catedrático |
León |
Secretaría |
José María Cancela Carral |
Titular |
Vigo |
Vogalía primeira |
Leonor Gallardo Guerrero |
Titular |
Castilla-La Mancha |
Vogalía segunda |
Juan José Fernández Romero |
Titular |
A Coruña |
Vogalía terceira |
Nuria Mendoza Laiz |
Titular |
Castilla-La Mancha |
Comisión suplente |
|||
Presidencia |
Sergio Ibáñez Godoy |
Catedrático |
Extremadura |
Secretaría |
Ana Isabel Rey Cao |
Titular |
Vigo |
Vogalía primeira |
Marta Zubiaur González |
Titular |
León |
Vogalía segunda |
Alfonso Gutiérrez Santiago |
Titular |
Vigo |
Vogalía terceira |
Vicente Año Sanz |
Titular |
Valencia |
Praza nº 10: DF1601-X11-070-TU-01
Área: Ciencia Política e da Administración
Cargo |
Nome |
Corpo |
Universidade |
Comisión titular |
|||
Presidencia |
Guillermo Manuel Márquez Cruz |
Catedrático |
Santiago de Compostela |
Secretaría |
Álvaro Xosé López Mira |
Titular |
Vigo |
Vogalía primeira |
Ernesto Javier Carrillo Barroso |
Titular |
Complutense de Madrid |
Vogalía segunda |
Adela Mesa del Olmo |
Titular |
País Vasco |
Vogalía terceira |
Berta García Orosa |
Titular |
Santiago de Compostela |
Comisión suplente |
|||
Presidencia |
María Esther del Campo García |
Catedrática |
Complutense de Madrid |
Secretaría |
Purificación Mayobre Rodríguez |
Titular |
Vigo |
Vogalía primeira |
Heriberto Cairo Carou |
Titular |
Complutense de Madrid |
Vogalía segunda |
Ramón Ángel Bouzas Lorenzo |
Titular |
Santiago de Compostela |
Vogalía terceira |
Laura Román Masedo |
Titular |
A Coruña |
Praza nº 11: DF1601-X13-140-TU-01
Área: Dereito do Traballo e da Seguridade Social
Cargo |
Nome |
Corpo |
Universidade |
Comisión titular |
|||
Presidencia |
Jaime Cabeza Pereiro |
Catedrático |
Vigo |
Secretaría |
Jesús Cruz Villalón |
Catedrático |
Sevilla |
Vogalía primeira |
Amparo Merino Segovia |
Titular |
Castilla-La Mancha |
Vogalía segunda |
María José Romero Ródenas |
Titular |
Castilla-La Mancha |
Vogalía terceira |
Francisco Javier Gárate Castro |
Catedrático |
Santiago de Compostela |
Comisión suplente |
|||
Presidencia |
Marta Fernández Prieto |
Titular |
Vigo |
Secretaría |
Lourdes Mella Méndez |
Titular |
Santiago de Compostela |
Vogalía primeira |
María Belén Cardona Rubert |
Catedrática |
Valencia |
Vogalía segunda |
Xosé Manuel Carril Vázquez |
Titular |
A Coruña |
Vogalía terceira |
Consuelo Chacartegui Jávega |
Titular |
Pompeu Fabra |
Praza nº 12: DF1601-X14-105-TU-01
Área: Comunicación Audiovisual e Publicidade
Cargo |
Nome |
Corpo |
Universidade |
Comisión titular |
|||
Presidencia |
Juan Benavides Delgado |
Catedrático |
Complutense de Madrid |
Secretaría |
Ana Belén Fernández Souto |
Titular |
Vigo |
Vogalía primeira |
José Carlos Losada Díaz |
Titular |
Murcia |
Vogalía segunda |
Vicente-Paul Capriotti Peri |
Titular |
Rovira i Virgili |
Vogalía terceira |
María de los Ángeles Moreno Fernández |
Titular |
Rey Juan Carlos |
Comisión suplente |
|||
Presidencia |
José Luis Castro de Paz |
Catedrático |
Santiago de Compostela |
Secretaría |
Montserrat Vázquez Gestal |
Titular |
Vigo |
Vogalía primeira |
Ana María Almansa Martínez |
Titular |
Málaga |
Vogalía segunda |
José Rúas Araújo |
Titular |
Vigo |
Vogalía terceira |
Jordi Xifra Triadú |
Titular |
Pompeu Fabra |
ANEXO IV
Currículum vítae
Datos persoais:
– Apelidos e nome.
– NIF.
– Data, localidade e provincia de nacemento.
– Enderezo, localidade e provincia de residencia.
– Teléfono e enderezo electrónico.
– Categoría actual como docente, centro, departamento e área de docencia actual.
– Data de resolución da habilitación e BOE de publicación.
Datos académicos:
1. Títulos académicos: clase, organismo e centro expedidor, data, cualificación, se a houber.
2. Postos docentes desempeñados: categoría, organismo ou centro, réxime de adicación, data de nomeamento ou contrato, data de cesamento.
3. Actividade docente desempeñada.
4. Actividade investigadora desempeñada.
5. Publicacións de libros e monografías: autoría ou coautoría/s, título, editor, editorial, data (de estar pendente de publicación, xustifíquese a aceptación polo consello editorial).
6. Traballos científicos publicados en revistas españolas ou estranxeiras: autoría ou coautoría/s, título, revista, volume, páxina, data (de estar pendente de publicación, xustifíquese a aceptación polo consello editorial).
7. Outras publicacións.
8. Outros traballos de investigación.
9. Proxectos de investigación subvencionados.
10. Comunicacións e relatorios presentados a congresos: título, organizador, carácter nacional ou internacional, lugar, data.
11. Patentes.
12. Cursos e seminarios impartidos: centro, organismo, materia, actividade desenvolta, data.
13. Cursos e seminarios recibidos: centro, organismo, materia, data.
14. Bolsas, axudas e premios recibidos (posteriores á licenciatura).
15. Actividade en empresas e profesión libre.
16. Outros méritos docentes ou de investigación.
17. Outros méritos.
18. Cargos de xestión desempeñados: cargo, centro, período.
19. Dilixencia de referendo do currículum.