1. Entidade adxudicadora.
a) Organismo: Axencia para a Modernización Tecnolóxica de Galicia.
b) Dependencia que tramita o expediente: Departamento de Contratación.
c) Número de expediente: 2017/PA/0010.
2. Obxecto do contrato.
a) Descrición do obxecto: é obxecto desta contratación a subministración, instalación e posta en marcha dun sistema de control e identificación de fondos (libros, revistas, vídeos, DVD, CD, etc.) mediante tecnoloxía de identificación por radiofrencuencia (RFID) nas seguintes bibliotecas públicas de Galicia, dependentes da Xunta de Galicia:
Biblioteca pública da Coruña Miguel González Garcés.
Biblioteca pública de Pontevedra Antonio Odriozola.
Biblioteca pública de Vigo Juan Compañel.
b) División por lotes e número: non.
c) Prazo e lugar de entrega: o prazo de execución do presente contrato será de 8 meses contados a partir da data de formalización, segundo as fases de execución establecidas no número 7 do prego de prescricións técnicas (PPT), e sen prexuízo da realización das actuacións derivadas da entrega, que se estenderán durante o prazo de garantía.
Lugar de entrega: a entrega efectuarase no lugar indicado polo órgano de contratación.
d) Admisión de prórroga: non.
3. Tramitación e procedemento de adxudicación.
a) Tramitación: ordinaria, anticipada de gasto e documentalmente simplificada.
b) Procedemento: aberto, harmonizado.
4. Orzamento de licitación: o orzamento máximo autorizado é de 337.780,00 €, máis 70.933,80 € correspondentes ao IVE (21 %), o que supón un orzamento total do expediente de gasto de 408.713,80 €.
5. Garantía provisional: non se exixe.
6. Obtención da documentación e da información.
a) Entidade: Axencia para a Modernización Tecnolóxica de Galicia.
b) Enderezo: Monte Gaiás, s/n.
c) Localidade e código postal: Santiago de Compostela 15781.
d) Teléfono: 981 54 52 86.
e) Fax: 981 54 52 74.
f) Perfil do contratante: http://www.contratosdegalicia.gal/resultado.jsp?N=94019
g) Data límite de obtención de documentos e da información: ata o último día de presentación das proposicións.
7. Requisitos específicos do contratista.
a) Solvencia e clasificación: véxase o punto N) do prego de cláusulas administrativas particulares.
8. Presentación de ofertas.
a) Data límite de presentación: o prazo de admisión de proposicións rematará o día 13 de febreiro de 2017, de acordo co establecido no artigo 159 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público.
b) Documentación que deberá presentarse: a indicada no prego de cláusulas administrativas particulares.
c) Lugar de presentación:
1º. Entidade: Rexistro da Amtega.
2º. Enderezo: Edificio Cinc, Monte Gaiás, s/n.
3º. Localidade e código postal: Santiago de Compostela 15781.
Cando a proposición se envíe por correo, deberá cumprirse o establecido no número 11 das disposicións xerais do prego de cláusulas administrativas particulares.
d) Admisión de variantes: non se admiten.
9. Apertura das ofertas.
O lugar, día e hora de apertura da documentación relativa aos sobres B e C indicaranse no perfil do contratante.
10. Criterios que servirán de base para a adxudicación do contrato e a súa ponderación: os sinalados na epígrafe K da folla de especificacións do prego de cláusulas administrativas particulares.
11. Gastos dos anuncios: serán por conta do adxudicatario.
12. Data de envío do anuncio de licitación ao DOUE: 2 de xaneiro de 2017.
Santiago de Compostela, 2 de xaneiro de 2017
Mar Pereira Álvarez
Directora da Axencia para a Modernización Tecnolóxica de Galicia