María Jesús Hernando Arenas, letrada da Administración de xustiza do Xulgado do Social número 5 da Coruña, fago saber que no procedemento ordinario 994/2015 deste xulgado do social, seguido por instancia de Felipe Manuel Santiago Pedrosa contra S&V Seguridad, S.A., Prosegur Compañía de Seguridad, S.A. e o Fondo de Garantía Salarial, sobre ordinario, ditouse auto de desistencia, cuxo contido di:

Dispoño ter por desistido a Felipe Manuel Santiago Pedrosa da súa demanda fronte a S&V Seguridad, S.A., Prosegur Compañía de Seguridad, S.A. e o Fondo de Garantía Salarial, en materia de reclamación de cantidade, e arquivar as actuacións unha vez que sexa firme esta resolución.

E para que sirva de notificación en legal forma á empresa S&V Seguridad, S.A., en ignorado paradoiro, expido o presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 16 de decembro de 2016

A letrada da Administración de xustiza