O artigo 11.1 da Lei 4/2006, do 30 de xuño, de transparencia e boas prácticas na Administración pública galega (DOG núm. 136, do 14 de xuño), impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.

En consecuencia, e para lle dar cumprimento a esa obriga,

DISPOÑO:

Artigo único. Darlle publicidade á relación dos convenios subscritos pola Secretaría Xeral da Emigración nos meses de setembro, outubro, novembro e decembro do ano 2016 que se incorpora como anexo a esta resolución.

Santiago de Compostela, 11 de xaneiro de 2017

Antonio Rodríguez Miranda
Secretario xeral da Emigración

ANEXO

Nome	Obxecto	Importe	Data da Sinatura
Convenio de colaboración coa Sociedade Espanhola de Beneficencia-Hospital Español de Río de Janeiro (Brasil)	Promover e preservar os servizos de atención sociosanitaria ás persoas de orixe galega e aos seus descendentes residentes en Río de Janeiro	50.000,00 €	15.11.2016