DOG 68 do 6/04/2017 - EXTRACTO da Orde do 23 de marzo de 2017 pola que se establecen as bases reguladoras dos programas de subvencións para sufragar os gastos de funcionamento das entidades asociativas galegas de persoas traballadoras autónomas, das entidades asociativas de centros especiais de emprego e das entidades asociativas de empresas de inserción laboral, e se convocan para o ano 2017.

III. Outras disposicións

Consellería de Economía, Emprego e Industria

EXTRACTO da Orde do 23 de marzo de 2017 pola que se establecen as bases reguladoras dos programas de subvencións para sufragar os gastos de funcionamento das entidades asociativas galegas de persoas traballadoras autónomas, das entidades asociativas de centros especiais de emprego e das entidades asociativas de empresas de inserción laboral, e se convocan para o ano 2017.

BDNS (Identif.): 340704.

De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (http://www.pap.minhap.gob.es/bdnstrans/index).

Primeiro. Entidades beneficiarias

1. Programa entidades asociativas de persoas traballadoras autónomas. Serán beneficiarias aquelas entidades asociativas de persoas traballadoras autónomas de carácter intersectorial que estean inscritas no Rexistro de Asociacións Profesionais de Traballadores Autónomos de Galicia.

2. Programa entidades asociativas de centros especiais de emprego. Poderán ser beneficiarias das axudas previstas nesta orde as entidades asociativas de centros especiais de emprego de Galicia.

3. Programa entidades asociativas de empresas de inserción laboral. Poderán ser beneficiarias das axudas previstas nesta orde as entidades asociativas de empresas de inserción laboral de Galicia.

Segundo. Obxecto

Esta orde ten por obxecto sufragar os gastos de organización interna e funcionamento das entidades asociativas de traballadores autónomos, de entidades asociativas de centros especiais de emprego e de entidades asociativas de empresas de inserción laboral.

Terceiro. Bases reguladoras

Orde do 23 de marzo de 2017 pola que se establecen as bases reguladoras dos programas de subvencións para sufragar os gastos de funcionamento das entidades asociativas galegas de persoas traballadoras autónomas, das entidades asociativas de centros especiais de emprego e das entidades asociativas de empresas de inserción laboral, e se convocan para o ano 2017.

Cuarto. Importe

1. Programa I. Ten un importe de 190.000 euros.

2. Programa II. Ten un importe de 35.000 euros.

3. Programa III. Ten un importe de 25.000 euros.

Quinta. Prazo de presentación de solicitudes

O prazo xeral de presentación de solicitudes de todos os tipos de axudas do programa regulado nesta orde será dun mes contado desde o día seguinte ao da publicación desta orde no Diario Oficial de Galicia.

Santiago de Compostela, 23 de marzo de 2017

Francisco Conde López
Conselleiro de Economía, Emprego e Industria