Pola Resolución do 1 de xuño de 2017, da Consellería do Mar, extinguiuse a concesión temporal de carácter experimental que lle fora outorgada á sociedade Ameixa de Carril, S.L. pola Resolución do 18 de setembro de 2008.

De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación sen que se puidese practicar, notifícase á sociedade Ameixa de Carril, S.L. (B-36282853), con último enderezo coñecido en Punta Preguntoiro, 20, Vilaxoán, a resolución antes referida.

A eficacia do presente anuncio queda supeditada á súa publicación no taboleiro de edictos único do Boletín Oficial del Estado (TEU do BOE).

A persoa interesada poderá comparecer nas oficinas da sede da Dirección Xeral de Pesca, Acuicultura e Innovación Tecnolóxica, situadas no Edificio Administrativo San Caetano, s/n, Santiago de Compostela, das 9.00 ás 14.00 horas, de luns a venres, para o coñecemento íntegro desta resolución e constancia de tal coñecemento.

Contra a resolución do expediente, que esgota a vía administrativa, a persoa interesada poderá interpoñer recurso potestativo de reposición perante a conselleira do Mar, no prazo dun mes contado a partir do seguinte ao da publicación deste anuncio no TEU do BOE, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderá impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de xuño de 2017

Mercedes Rodríguez Moreda
Directora xeral de Pesca, Acuicultura e Innovación Tecnolóxica