Carlos Neira Pereira, letrado da Administración de xustiza do Xulgado de Primeira Instancia número 2 de Viveiro, polo presente anuncia que no presente procedemento ordinario número 308/2016, seguido por instancia de Josefina Pérez Prado fronte aos herdeiros descoñecidos e incertos de Antonio Prieto e Pastora Sánchez Frade se ditou a sentenza número 170/16 da cal, de entre outros pronunciamentos, se deberá publicar o seguinte extracto tal e como establece o artigo 497.2 da Lei de axuizamento civil:

Sentenza 170/16.

En Viveiro, 2 de decembro de 2016.

Vanessa María Formoso Castro, maxistrada titular do Xulgado de Primeira Instancia e Instrución número 2 de Viveiro, examinadas as actuacións, ditou a seguinte sentenza:

Foron vistos os presentes autos de xuízo ordinario nº 308/2016, seguidos ante este xulgado por instancia de Josefina Pérez Prado, representada pola procuradora Sra. Sabariz García e defendida polo letrado Sr. Fernández Fraga, en substitución do letrado Sr. Fiuza Diego contra os herdeiros descoñecidos e incertos de Antonio Prieto e Pastora Sánchez Frade, non comparecidos e declarados en rebeldía.

(…)

Resolvo:

Estimo a demanda interposta por Josefina Pérez Prado, representada pola procuradora Sra. Sabariz García e defendida polo letrado Sr. Fernández Fraga, en substitución do letrado Sr. Fiuza Diego, contra os herdeiros descoñecidos e incertos de Antonio Prieto e Pastora Sánchez Frade, non comparecidos e declarados en rebeldía, e declaro que o terreo rexistral nº 9337, tomo 316, libro 123, folio 197 do Rexistro da Propiedade de Viveiro é propiedade de Josefina Pérez Prado; que o citado terreo rexistral sito na rúa do Rego nº 9 de Viveiro é na actualidade o terreo nº 11 da rúa Díaz Freijo de Viveiro; e que a totalidade do terreo debe ser inscrita no Rexistro da Propiedade de Viveiro como da titularidade de Josefina Pérez Prado, levando a cabo a rectificación dos asentos rexistrais.

Procede a condena en custas da parte demandada.

Líbrese testemuño da presente, o cal se levará aos autos da súa razón, quedando o orixinal no presente libro.

Notifíquese a presente resolución ás partes.

Contra esta sentenza cabe interpoñer recurso de apelación ante a Audiencia Provincial, debendo prepararse ante este xulgado no prazo de cinco días desde a súa notificación. Advírtese á parte que desexe recorrer que debe constituír un depósito de 50 euros na conta do xulgado baixo apercibimento de que, en caso de non o verificar, non se dará trámite ao recurso.

Así, por esta a miña sentenza, pronúncioo, mándoo e asínoo.

E achándose en paradoiro descoñecido os heredeiros descoñecidos e incertos de Antonio Prieto e Pastora Sánchez Frade, expídese o presente edicto co fin de que sirva de notificación en forma á parte demandada.

Viveiro, 2 de decembro de 2016

O letrado da Administración de xustiza