De conformidade coas propostas elevadas polas comisións nomeadas para xulgar os concursos para a provisión de prazas dos corpos docentes universitarios, convocados mediante Resolución desta universidade do 4 de agosto de 2017 (BOE do 31 de agosto), e presentada polas persoas interesadas a documentación a que fai referencia a base oitava da convocatoria,

Esta reitoría, no uso das atribucións conferidas polo artigo 65 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril (BOE do 13 de abril), e o artigo 85 dos estatutos da Universidade de Santiago de Compostela, aprobados polo Decreto 14/2014, do 30 de xaneiro (DOG do 12 de febreiro) e demais disposicións concordantes, resolveu efectuar os nomeamentos que se relacionan no anexo.

Estes nomeamentos producirán plenos efectos a partir da correspondente toma de posesión polas persoas interesadas, que se deberá efectuar no prazo máximo de vinte (20) días contados desde o día seguinte ao da publicación desta resolución no Boletín Oficial del Estado.

Contra esta resolución, que esgota a vía administrativa, poderase interpor recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous (2) meses contados desde o seguinte ao da súa publicación no Boletín Oficial del Estado de conformidade co disposto na Lei 29/1998, do 13 de xullo, reguladora da xurisdición contencioso-administrativa. Non obstante, os interesados poderán interpor recurso potestativo de reposición no prazo dun mes, perante o órgano que ditou o acto, sen que neste caso se poida interpor o recurso contencioso-administrativo ata que non se dite resolución expresa ou presunta do recurso administrativo de reposición conforme o previsto nos artigos 123 e 124 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 29 de novembro de 2017

Juan Manuel Viaño Rey
Reitor da Universidade de Santiago de Compostela

ANEXO

Nº do concurso	Nome	Apelidos	DNI/NIE	Corpo docente	Área de coñecemento	Departamento	Localidade	Código da praza
2353/17	Antonio Carlos	Pereira Menaut	33184319B	Catedrático de universidade	Dereito Constitucional	Dereito Público e Teoría do Estado	Santiago de Compostela	A00557
2361/17	Manuel Francisco	Marey Pérez	76573477Z	Catedrático de universidade	Proxectos de Enxeñaría	Produción Vexetal e Proxectos de Enxeñaría	Lugo	A00565
2362/17	Eva María	Candal Suárez	34897073R	Titular de universidade	Bioloxía Celular	Bioloxía Funcional	Santiago de Compostela	C01773
2366/17	María	Álvarez de la Granja	36115279N	Titular de universidade	Filoloxías Galega e Portuguesa	Filoloxía Galega	Santiago de Compostela	C01777