Con data do 3 de setembro de 2018, a xefa territorial da Consellería de Sanidade de Lugo ditou resolución do expediente sancionador 2018063AL-LU, incoado na Xefatura Territorial da Consellería de Sanidade de Lugo a Jorge Eliecer Gómez Bermúdez.
Intentada a notificación da resolución segundo o disposto no artigo 42.2 da Lei 39/2015, do 1 de outubro, do procedemento administrativo común das administracións públicas, e non sendo posible a súa práctica, por medio desta cédula, e ao abeiro do disposto no artigo 44 da dita lei, notifícaselle a Jorge Eliecer Gómez Bermúdez o contido da citada resolución, que figura como anexo, para que poida ter coñecemento del.
Así mesmo, fáiselle saber o dereito que o asiste para interpoñer recurso de alzada, ante o conselleiro de Sanidade, no prazo dun mes contado desde o día seguinte ao da publicación desta cédula, segundo establecen os artigos 121 e 122 da Lei 39/2015, do 1 de outubro, lembrándolle o seu dereito a consultar o expediente, depositado nas dependencias desta xefatura, sita en rúa Montevideo, 9, Lugo, e a obter, de ser o caso, copia del, segundo o previsto na letra a) do artigo 53.1 da citada Lei 39/2015.
En caso de conformidade co contido desta resolución, o aboamento voluntario da sanción poderase facer no seguinte prazo: 1) as notificadas entre os días 1 e 15 de cada mes, desde a data da notificación ata o día 20 do mes posterior ou, se este non for hábil, ata o inmediato día hábil seguinte; 2) as notificadas entre os días 16 e último de cada mes, desde a data da notificación ata o día 5 do segundo mes posterior ou, se este non for hábil, ata o inmediato día hábil seguinte. Todo isto mediante o ingreso que poderá efectuar en calquera oficina de Abanca; en BBVA, transacción 1316, NIF S1511001H, en Santander ou en https://ovt.atriga.gal, empregando os impresos normalizados que lle facilitarán nas dependencias desta xefatura territorial. O pagamento voluntario porá fin ao expediente; de non o facer así, procederase ao seu cobramento pola vía de constrinximento.
Esta cédula publícase para que conste e lle sirva de notificación ao interesado, en cumprimento do disposto no artigo 44 da citada Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
Lugo, 11 de setembro de 2018
A xefa territorial de Lugo
P.S. (Decreto 33/2014, do 18.3.2014)
Beatriz Roca Castro
Xefa do Servizo de Xestión de Lugo
ANEXO
Nº de expediente: 2018063AL-LU.
Interesado: Jorge Eliecer Gómez Bermúdez.
NIE: X9503583Y.
Último enderezo coñecido: rúa Río Avia, 2, 27003 Lugo.
Feitos imputados: infracción da lexislación aplicable en materia sanitaria.
Preceptos infrinxidos:
Punto 1.a do capítulo V do anexo II do Regulamento (CE) nº 852/2004 do Parlamento Europeo e do Consello, do 29 de abril de 2004, relativo á hixiene dos produtos alimenticios (DOUE núm. 139, do 30 de abril).
Tipificación: unha infracción leve, tipificada no artigo 51.1, parágrafo 10, da Lei 17/2011, do 5 de xullo, de seguridade alimentaria e nutrición (BOE núm. 160, do 6 de xullo).
Sanción imposta: trescentos euros (300,00 €).