O Pleno da Corporación, na sesión ordinaria que tivo lugar o día 20 de setembro de 2018, adoptou, entre outros, o seguinte acordo:
• Aprobar definitivamente a modificación puntual do Plan xeral de ordenación municipal no ámbito do Plan especial do campus (PE-8) vivendas de San Ignacio de Loyola e polígono 22 (Vista Alegre), segundo o documento reformado de agosto de 2018, que incorpora as reformas exixidas no informe da directora xeral de Ordenación do Territorio e Urbanismo.
O acordo de aprobación definitiva publicarase no Diario Oficial de Galicia. Unha vez publicado o acordo, remitirase á Consellería de Medio Ambiente e Ordenación do Territorio a documentación exixida polo artigo 88.3 da LSG, para os efectos de inscribir a modificación puntual do PXOM no Rexistro de Planeamento Urbanístico de Galicia.
Logo de que conste a inscrición no Rexistro, publicarase a normativa no Boletín Oficial da provincia.
Contra o acordo da aprobación definitiva da citada modificación puntual do PXOM poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio.
Santiago de Compostela, 26 de setembro de 2018
O alcalde
P.D. (Decreto do 28.6.2017)
Jorge Duarte Vázquez
Concelleiro delegado de Espazos Cidadáns, Dereito á Vivenda,
Mobilidade e Relacións Veciñais