EDICTO

Perante este Xurado Provincial de Montes Veciñais en Man Común, tramítase expediente nº 314 de clasificación dos montes coas características que se indican a continuación:

Denominación: montes Caldebarcos e San Cibrán.

Comunidade propietaria: lugar de Caldebarcos.

Parroquia: San Mamede.

Municipio: Carnota.

Superficie: 195,96 ha.

Lindeiros:

É parte do monte Pindo nº 368 do C.U.P.

Norte: parte do punto de confluencia entre a pista forestal que vai da Curra a Quilmas e a que se inicia en Vadebois, segue en liña recta na dirección N-L ata o picacho de cota 426; de aí ata o de cota 247, e deste último establécese como linde o regato Rego da Alba que chega ó río Vadebois polo piquete nº 59.

Leste: desde o piquete nº 59 ata o nº 226, seguindo a orde de piquetes, xunto á estrada C-550.

Sur: desde o piquete nº 226 ata o nº 572 seguindo a orde de piquetes, ata a Cruz da Pedra, no camiño que sobe dando servicio a predios de particulares e que une Caldebarcos con Panchés.

Oeste: estrema con monte da comunidade de Panchés, seguindo as augas vertentes do monte Pindo na súa orientación cara ó leste, e tomando como referencia os lugares tradicionais de pastoreo. Desde a Cruz da Pedra sobe cara ó Chan das Lamas ata o piquete nº 494; deste ó Lombo de Laxa e segue ata a confluencia das pistas forestais da Curra a Quilmas coa de Vadebois.

En virtude do acordado polo xurado e, en cumprimento da orde do instructor, do 1-9-1994, conforme o disposto na Lei de montes veciñais en man común, do 10 de outubro de 1989, e demais disposicións de aplicación, polo presente faise pública a iniciación do expediente indicado co obxecto de que, de acordo co previsto no artigo 23 do regulamento do 23 de setembro de 1992, para a execución da citada lei, cantas persoas, organismos e corporacións resulten interesadas, poidan comparecer e intervir no expediente iniciado e formular perante o xulgado, no prazo de un mes contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean asistirlles en relación co monte, achegando, se é o caso, a documentación que consideren conveniente ó respecto.

A Coruña, 1 de setembro de 1994.

Manuel Puente Araújo

Secretario do Xurado Provincial de Montes Veciñais

en Man Común da Coruña