DOG 63 do 30/03/1995 - RESOLUCIÓN do 15 de decembro de 1994, da Delegación Provincial de Lugo, pola que se autoriza e se declara de utilidade pública o establecemento da instalación eléctrica que se cita (Expediente 3.894 A.T.).

III. OUTRAS DISPOSICIÓNS

CONSELLERÍA DE INDUSTRIA E COMERCIO

RESOLUCIÓN do 15 de decembro de 1994, da Delegación Provincial de Lugo, pola que se autoriza e se declara de utilidade pública o establecemento da instalación eléctrica que se cita (Expediente 3.894 A.T.).

Visto o expediente incoado na Sección de Industria desta delegación provincial por petición de Barras Eléctricas Galaico-Asturianas, S.A. con domicilio en Lugo, Cidade de Viveiro, 4, no que solicita autorización e declaración de utilidade pública para o establecemento dunha instalación eléctrica de media tensión, e cumpridos os trámites regulamentarios ordenados no capítulo III do Decreto 2.617/1966, sobre autorización de instalacións eléctricas, e no capítulo III do regulamento aprobado polo Decreto 2.619/1966, sobre expropiación forzosa e sancións en materia de instalacións eléctricas, e conforme o disposto no Real decreto 2.634/1980, do 31 de xullo, sobre transferencia de competencia da Administración do Estado á Xunta de Galicia en materia de industria,

Esta delegación provincial resolveu autorizar a Begasa a instalación eléctrica que ten como características principais as seguintes: liña de media ten

sión, 20 kV, orixe: as LL.MM.TT. ós CC.TT. Ribeiras de Lea, I, II, e Granda na L.M.T. Ribeiras de Lea-Támoga e a L.M.T. ó C.T. Torre no apoio 6 da L.M.T. ó C.T. Granda e final nos centros Ribeiras de Lea I, II, Torre e Granda, cunhas lonxitudes de 60 metros a de Ribeiras de Lea I, 70 metros a de Ribeiras de Lea II, 1.391 metros a de Granda e 875 metros a de Torre, torres metálicas, conductor LA-56. Centros transformación 50 kVA en Ribeiras de Lea I, II, Granda, Torre, 20.000, 10.000, 380/220 V, torres metálicas. Redes de baixa tensión, apoios de formigón e conductores RZ-95-50-95 para mellora da subministración na parroquia de Ribeiras de Lea, Castro de Rei.

Declara-la utilidade pública da instalación eléctrica que se autoriza para os efectos sinalados na Lei 10/1966, sobre expropiación forzosa e sancións en materia de instalacións eléctricas, e o seu regulamento de aplicación, do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trámites que se sinalan no capítulo IV do citado Decreto 2.617/1966, do 20 de outubro.

Lugo, 15 de decembro de 1994.

Jesús Bendaña Suárez

Delegado provincial de Lugo