Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación Galega de Amigos do Camiño de Santiago, do 28 de febreiro de 1995.

Visto o Decreto 224/1994, do 2 de xuño, polo que se crea o referido rexistro.

Visto igualmente o informe da Dirección Xeral de Promoción do Camiño de Santiago, emitido de acordo co artigo 3.

Considerando que a solicitude presentada cumpre as normas establecidas no decreto de referencia,

RESOLVO:

Que a Asociación Galega de Amigos do Camiño de Santiago quede inscrita no Rexistro de Entidades de Promoción do Camiño de Santiago co número 041.

Santiago de Compostela, 5 de abril de 1995.

Víctor Manuel Vázquez Portomeñe

Conselleiro de Cultura