Examinado o expediente iniciado por instancia de Elsa Rodríguez Soto, na súa condición de administradora da academia de perruquería e estética Elsa, S.L., en solicitude de cambio de denominación do centro privado que imparte ensinanzas da área tecnolóxico-práctica de perruquería e estética Milagros, S.L., con domicilio na r/Fernando III O Santo, nº 12, de Santiago de Compostela.
Resultando que a inspección de Formación Profesional informou favorablemente o cambio solicitado, sendo tamén favorable a proposta da delegación provincial.
Visto o Real decreto 401/1979, do 13 de febreiro, e o Real decreto 332/1992, do 3 de abril (BOE do 9), e demais disposicións complementarias.
Considerando que concorren no expediente tódolos requisitos esixidos nas disposicións vixentes para poder acceder ó solicitado. Esta consellería,
DISPÓN:
Primeiro.-Autoriza-lo cambio de denominación do centro privado de perruquería e estética Milagros, S.L., pola de Academia de peluquería y estética Elsa, S.L., que ostentará no sucesivo.
Segundo.-O cambio de denominación non afectará ó réxime de funcionamento do centro.
Santiago de Compostela, 28 de abril de 1995.
Juan Piñeiro Permuy
Conselleiro de Educación e Ordenación Universitaria