Delegada a competencia para a concesión do título licencia de axencias de viaxes no secretario xeral para o turismo, mediante a Orde do 21 de setembro de 1995, publicada no Diario Oficial de Galicia número 184, do 25 do mesmo mes, procede agora, para unha maior axilización administrativa, completa-lo campo ó que pode estenderse a figura da delegación considerada na lexislación vixente, efectuando a correspondente ás autorizacións de sucursais, establecementos ou dependencias auxiliares dependentes das axencias de viaxes, ás que fai referencia o artigo 10 do Decreto 155/1989, do 22 de xuño.
En consecuencia, facendo uso das facultades que me confiren os artigos 43.3º da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 20 de outubro, 13 da Lei 30/1992, do 26 de novembro, de réxime xurí
dico das administracións públicas e do procedemento administrativo común, e demais disposicións de xeral aplicación,
DISPOÑO:
Artigo 1º
Delégase no secretario xeral para o turismo a competencia para autoriza-los novos establecementos e dependencias auxiliares dependentes das axencias de viaxe xa autorizadas.
Artigo 2º
As resolucións administrativas que se adopten facendo uso da delegación conferida por esta orde farán constar expresamente esta circunstancia e consideraranse dictadas pola autoridade delegante.
Artigo 3º
En calquera momento, o conselleiro poderá reclama-lo exercicio da competencia que se delega pola presente orde, da que quedan excluídos, en todo caso, os supostos previstos no artigo 13.2º da Lei 30/1992, do 26 de novembro, de réxime xurídico das administracións públicas e do procedemento administrativo común, e no artigo 42.2º da Lei 1/1983, do 22 de feberiro, reguladora da Xunta e do seu presidente.
Disposición derrogatoria
Quedan derrogadas cantas disposicións de igual ou inferior rango se opoñan ó establecido na presente orde.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 4 de outubro de 1995.
Dositeo Rodríguez Rodríguez
Conselleiro da Presidencia e Administración Pública
6599