Galego | Castellano

DOG - Xunta de Galicia -

Diario Oficial de Galicia
DOG Núm. 213 Martes, 07 de novembro de 1995 Páx. 8.181

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 18 de outubro de 1995, da Dirección Xerencia do Hospital A. Marcide-P. Novoa Santos, pola que se anuncia o concurso público para a adquisición de diverso material para o arquivo de historias clínicas.

A Dirección Xerencia do Hospital A. Marcide-P. Novoa Santos, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), sobre delegación de competencias en órganos centrais e periféricos do Sergas, convoca o seguinte concurso público:

Subministración: adquisición de diverso material para o arquivo de historias clínicas. (C-3/1995).

Orzamento: 10.681.560 ptas. (IVE incluído).

Fianza provisional: 213.631 ptas.

Forma de adxudicación: concurso público, procedemento aberto.

Prazo de execución: os bens obxecto do presente concurso público entregaranse no prazo establecido no prego de cláusulas administrativas particulares.

Admisión de variantes: soamente serán admitidas variantes naqueles supostos que melloren as características técnicas fixadas no prego de prescricións técnicas.

Solvencia económica e financeira: acreditarase de acordo co establecido no artigo 16 da Lei 13/1995, de contratos das administracións públicas e no prego de cláuasulas administrativas particulares.

Solvencia técnica: acreditarase de acordo co establecido no artigo 18 da Lei 13/1995, de contratos das administracións públicas, e no prego de cláusulas administrativas particulares.

Criterios de adxudicación:

1. Características funcionais, relación calidade/prezo/custo (35%).

2. Fiabilidade e seguridade no uso (35%).

3. Prazo de entrega (30%).

Documentos de intrese para os licitadores: o prego de cláusulas administrativas particulares e demais documentación complementaria estarán de manifesto e a disposición dos concursantes para o seu exame no servicio de subministracións do C.H. A. Marcide-P. Novoa Santos, estrada de San Pedro de Leixa s/n, 15405 Ferrol (A Coruña), tódolos días laborais agás os sábados, das 9 ás 15 horas.

Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro xeral do C.H. A. Marcide-P. Novoa Santos antes das 14 horas do vixésimo sexto día natural contado a partir do seguinte ó da publicación desta resolucio no DOG, ou enviadas por correo dentro do prazo sinalado.

Cando as proposicións se envién por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981) 33 40 84 ou telegrama no mesmo día, de conformidade co artigo 100 do Regulamento xeral de contratación do Estado.

Apertura das proposicións: terá lugar na sala de xuntas do C.H. A. Marcide-P. Novoa Santos sito na estrada San Pedro de Leixa, s/n, 15405 Ferrol, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.

Documentación que achegarán os licitadores: os documentos que figuran no prego de cláusulas administrativas particulares.

Anuncios: o pagamento do anuncio do presente concurso público será por conta do/s adxudicatario/s do/s contrato/s.

Ferrol, 18 de outubro de 1995.

Alfredo García Iglesias

Director xerente do Hospital A. Marcide-P. Novoa Santos

95-07066