Marco Antonio García Sangil, licenciado en Dereito e secretario do Concello da Pontenova, certifico que o Pleno deste Concello, en sesión ordinaria, celebrada o día vinteseis de marzo de mil novecentos noventa e seis, adoptou, entre outros, o seguinte acordo, que copiado literalmente di:
«2º. Aprobación definitiva da modificación dotacional das normas subsidiarias municipais.
Visto o expediente instruído para a modificación puntual das normas subsidiarias do planeamento na Pontenova.
Visto o proxecto redactado en decembro de 1995 que consta no expediente coa denominación modificación dotacional en NSP, que se presente a aprobación definitiva e na que se inclúen as seguintes modificacións:
1º Na zona de Boulloso, intermedio entre o río Eo e antiga vía férrea, desde a actual clasificación de SNU/EP e sistema xeral (S.G.) para espacio libre e dotacional (D. deportivo recreativo).
2º No cemiterio desde a actual clasificación como solo urbano residencial mixta, nuns 20 metros de
fondo coa vía de planeamento xeral de acceso a Goios e a ordenanza dotacional na restante profundidade de 10 metros, para completar 30 metros de fondo de alteración, a solo urbano con aplicación da ordenanza de centro diferenciado.
3º Supresión da vía de enlace do campo da feira a Goios, aplicándoselle a ordenanza residencial mixta ás cabeceiras da vía suprimidas e o resto do solo non urbanizable especialmente protexido.
Visto o informe favorable do 14 de marzo de 1996, emitido pola Subdirección Xeral de Urbanismo e Arquitectura, de conformidade co disposto no artigo 7 da Lei 7/1995, do 29 de xuño, de delegacións e distribución de competencias en materia de urbanismo.
Tras breve debate, o Pleno, en votación ordinaria e por oito votos a favor do grupo de goberno e dúas abstencións, polo tanto, coa maioría esixida no Art. 47.3º da Lei 7/1985, do 2 de abril, acordou:
Primeiro.-Aprobar definitivamente o proxecto elaborado en decembro de 1995 de modificacións D. en N.S.P., sinalando que na modificación 1ª, na zona do Boulloso, o novo sistema xeral de espacios libres e dotacional que se crea nela non implicará a reclasificación dos terreos como solo urbano.
Segundo.-Levanta-la suspensión de licencias nas zonas de modificación acordadas polo Pleno do 4 de abril de 1995».
E para que así conste, coa excepción prevista no artigo 206 do Regulamento de organización, funcionamento e réxime xurídico das entidades locais, no sentido de que o borrador da acta expresada non foi sometido á súa aprobación, expido o presente anuncio co visto e prace do primeiro tenente de alcalde na Pontenova o vintesete de maio de mil novecentos noventa e seis.
Visto e prace
O primeiro tenente de alcalde
Rubricado
9604722