O Pleno do Concello de Melide, en sesión celebrada o día 19 de xullo de 1996 adoptou, con quórum legal, o acordo de aprobar con carácter definitivo, a modificación puntual das normas subsidiarias do sector 11, situado na zona da Martagona, deste termo municipal, unha vez que a Consellería de Política Territorial, Obras Públicas e Vivendas emitiu o seu informe favorable sobre o correspondente expediente tramitado para o efecto, en escrito do 9 do actual, de conformidade co disposto no artigo 7.2º da Lei 7/1995, do 29 de xuño, da Xunta de Galicia.
O cal se fai público para os efectos determinados no artigo 8 d) da Lei 7/1995, antes citada, de delegación e distribución de competencias en materia de urbanismo, pola Xunta de Galicia ós concellos.
Así mesmo, en cumprimento do establecido no artigo 70.2º da Lei 7/1985, do 2 de abril, de bases de réxime local, modificada pola Lei 39/1994, do 30 de decembro, publícase texto íntegro da normativa modificada, no BOP da Coruña e entrará en vigor unha vez publicado o dito texto íntegro no expresado boletín e transcorridos quince días desde a dita data conforme dispón o artigo 65.2º
da Lei 7/1985, do 2 de abril, de bases de réxime local.
Contra o presente acordo, que é definitivo en vía administrativa, poderán os interesados interpor recurso contencioso-administrativo, no prazo de dous meses, ante a Sala do Contencioso-Administrativo do Tribunal Superior de Xustiza de Galicia, contados desde o día seguinte a aquel no que apareza publicado este anuncio no último dos boletíns (BOP) ou DOG.
A interposición deste recurso comunicaráselle ó Concello de Melide, de conformidade co disposto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.
Melide, 22 de xullo de 1996.
Miguel R. Pampín Rúa
Alcalde
9606007