De conformidade co establecido no Decreto 261/1994, de 29 de xullo, (DOG nº 158 de 17 de agosto de 1994), polo que se modifica a estructura orgánica dos servicios centrais da Secretaría Xeral para o Turismo e segundo o disposto no artigo 27.2º
da Lei 4/1988, do 26 de maio, da función pública de Galicia, e no uso das atribucións conferidas polo artigo 15.4º da mesma lei, esta consellería,
DISPÓN:
Primeiro.-Anuncia-la convocatoria para cubrir, polo sistema de libre designación, de dous postos de traballo vacantes que se relacionan no anexo I desta orde.
Segundo.-Podrán concorrer tódolos funcionarios que reúnan os requisitos que se esixen e que se especifican no anexo I.
Terceiro.-As solicitudes para participar nesta convocatoria presentaranse no rexistro xeral da Consellería da Presidencia e Administración Pública ou en calquera das oficinas previstas no artigo 38.4º da Lei 30/1992, do 26 de novembro, de réximen xurídico das administracións públicas e de procedimento administrativo común. O prazo para a presentación de instancias será de quince días hábiles, contados a partir do día seguinte o da súa publicación desta orde no Diario Oficial de Galicia. O modelo da solicitude publícase no anexo II.
Cuarto.-Os aspirantes deberán presentar coa súa solicitude un currículum vitae e xustificar mediante certificación ou copia compulsada os méritos que aleguen.
Quinto.-O nomeamento dos funcionarios con destino definitivo noutra Administración pública ou que presten os seus servicios na Comunidade Autónoma como consecuencia dunha comisión de servicios concedida conforme o disposto na disposición transitoria oitava, punto 4º da Lei 30/1984, do 2 de agosto, que resultasen seleccionados para ocupa-los postos de traballo anunciados estarán condicionados a que súa Administración emita informe favorable sobre eles, conforme o previsto no Real decreto 28/1990, do 15 de xaneiro, e demais disposicións concordantes.
Sexto.-A resolución desta convocatoria farase pública no DOG, e poderanse declarar desertos os postos de traballo que se relacionan no anexo I, se se considera oportuno.
Setimo.-O prazo de toma de posesión será de tres días se o destino anterior estivera na mesma localidade, ou dun mes, se estivera en localidade distinta ou levase consigo o reingreso ó servicio activo.
O prazo de toma de posesión comezará a contarse desde o día seguinte ó do seu cesamento que deberá producirse dentro dos tres días seguintes o da publicación no DOG ou desde a data en que se lle comunique a resolución do traslado á Comunidade Autónoma, para o caso dos funcionarios doutras administracións públicas.
Se a resolución comporta o reingreso ó servicio activo, o prazo de toma de posesión comezará a contar desde o día seguinte ó da publicación da resolución.
Oitavo.-Contra a presente orden, que esgota a vía administrativa, poderá interpoñerse recurso contencioso-administrativo previsto na Lei reguladora da xurisdicción contencioso-administrativa, do 27 de decembro de 1956, perante o Tribunal Superior de Xustiza de Galicia, no prazo de dous meses a partir do día da súa publicación, despois de comunicarllo a esta consellería, segundo o previsto no artigo 110.3º da Lei 30/1992, do 26 de novembro, de reximen xurídico das administracións públicas e do procedimento administrativo común.
Santiago de Compostela, 13 de setembro de 1996.
Dositeo Rodríguez Rodríguez
Conselleiro da Presidencia e Administración Pública
ANEXO I
Código: PRP05.00.000.15770.001.
Denominación do posto de traballo: secretario/a dirección.
Centro directivo: Secretaría Xeral para o Turismo.
Localidade: Santiago de Compostela.
Corpo ou escala: xeral.
Grupo: D/C.
Nivel: 18.
Específico: 524.508.
Méritos preferentes: mecanografía.
Código: PRP05.00.001.15770.120.
Denominación do posto de traballo: xefe de servicio de Formac., Cooper. Instit. e Docum.
Centro directivo: Secretaría Xeral para o Turismo.
Localidade: Santiago de Compostela.
Corpo ou escala: xeral.
Grupo: A/B.
Nivel: 28.
Específico: 1.639.104.
6930
