Dentro dos programas de actividades que a Academia Galega de Seguridade ten previsto realizar no ano 1996 e conforme as funcións atribuídas pola Lei 4/1992, do 9 de abril, de creación da Academia Galega de Seguridade, a formación dos bombeiros é unha das tarefas encomendadas á devandita academia.
Con base no anterior anúnciase a celebración de dous cursos sobre investigación de incendios, que deberán desenvolverse conforme ás seguintes bases:
Obxectivos.
Dota-los participantes dos coñecementos necesarios no tema da investigación de incendios, co
fin de que, cando teñan que instruír algunha investigación, a desenvolvan con total seguridade e decisión pola súa parte, sendo en todo momento conscientes de que o procedemento que se vai seguir sexa o máis axeitado.
Destinatarios.
Os cursos van dirixidos ós membros dos corpos de bombeiros da Comunidade Autónoma de Galicia, e membros da Unidade do C.N.P. adscrita á Comunidade Autónoma de Galicia.
Prazas.
O número de prazas ofertadas para cada curso será de 40.
Iinscrición.
A inscrición dos participantes será totalmente gratuíta.
Solicitudes.
1. O persoal que desexe participar nestes cursos deberá presentar, cuberta a máquina ou con letra moi clara, a instancia que figura no anexo, acompañada dunha fotocopia do DNI e do carné profesional.
2. O prazo para a presentación de instancias rematará o día 12 de novembrode 1996, ás 14 horas.
3. As instancias deberán vir asinadas polo xefe do cadro de persoal e seladas; será isto requisito indispensable para ser admitido no curso; o incumprimento deste requisito levará consigo á non admisión no devandito curso.
4. As instancias deberán enviarse á sede da Academia Galega de Seguridade: rúa de Madrid, 2-4 polígono das Fontiñas, 15703, Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Contido e duración.
Os cursos terán unha duración de 20 horas lectivas, e nel trataranse, entre outros, os seguintes temas:
-Orixe, evolución e estado actual da investigación de incendios; alcances e responsabilidades na investigación, ética do investigador.
-Normas de referencia e fontes de información para a investigación de incencios e sinistros.
-Comportamento dos incendios, patrón de desenvolvemento típico dos incendios; efectos asociados a eles.
-O papel da fotografía na investigación de incendios, toma, catalogación e arquivo de fotografías e vídeos para investigación.
-A escena do sinistro, importancia da escena, busca, identificación e preservación de evidencias, etc.
Datas.
Os cursos celebraranse nas seguintes datas:
1º curso: 18, 19 e 20 de novembro.
2º curso: 20, 21 e 22 de novembro.
O horario será o seguinte:
1º curso: para mandos de bombeiros e membros da escala executiva da Unidade do C.N.P. adscrita á Comunidade Autónoma de Galicia.
Horario: os días 18 e 19 o horario será de 10 a 14 horas e de 16 a 20 horas; e o día 20 o horario será de 10 a 14 horas.
2º curso: para bombeiros e membros da escala básica e de subinspección da Unidade do C.N.P. adscrita á Comunidade Autónoma de Galicia.
Horario: o día 20 o horario será de 16 a 20 horas; e os días 21 e 22 será de 10 a 14 horas e de 16 a 20 horas.
Relación de admitidos.
A relación de admitidos publicarase o día 14 de novembro no taboleiro de anuncios da Academia
Galega de Seguridade, ou ben poden confirma-la súa asistencia chamando ó teléfono (981) 56 34 00.
Lugar.
Na sede da Academia Galega de Seguridade, sita na rúa Madrid 2-4, polígono das Fontiñas, Santiago de Compostela.
Certificado de asistencia.
Ó remate de cada curso entregaráselles un certificado de asistencia a aquelas persoas que acrediten a súa participación continuada a este, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, levará consigo a non expedición do certificado.
Modificacións.
A Academia Galega de Seguridade poderá modifica-lo desenvolvemento dos cursos para adaptalos ás necesidades da Administración e ás continxencias que poidan xurdir.
Santiago de Compostela, 10 de outubro de 1996.
Juan José Fariñas-Ferro Rodríguez
Director xeral da Academia Galega de Seguridade
7573
