Seguindo o procedemento establecido polos decretos 2617/1966 de autorización de instalacións eléctricas e 2619/1966, de expropiación forzosa e sancións en materia de instalacións eléctricas, ámbolos dous do 20 de outubro, de aplicación ó presente expediente segundo a disposición transitoria primeira da Lei 40/1994, do 30 de decembro, de ordenación do sistema eléctrico nacional, de agora en adiante LOSE,

Sométese a información pública a solicitude de necesidade de urxente ocupación, formulada pola empresa Unión Eléctrica-Fenosa, S.A., con domicilio na Coruña, rúa Fernando Macías, 2, da liña eléctrica entrada 66 kV Troncal (Redondela-Renfe) en subestación Pazos de Borbén, nos concellos de Vigo, Redondela e Pazos de Borbén, autorizada e declarada de utilidade pública por resolución da Delegación Provincial de Industria do 31-1-1997.

A dita declaración, segundo o artigo 53.1º da Lei 40/1994, LOSE, leva implícita en todo caso, a necesidade de ocupación dos bens ou adquisicións de dereitos afectados, así como a imposición da servidume de paso de enerxía eléctrica, e implicará a urxente ocupación para os efectos do artigo 52 da Lei de expropiación forzosa.

Achégase a relación concreta e individualizada dos interesados cos que resulta precisa a expropiación.

Para os efectos do disposto no nº 3 do artigo 16 do Decreto 2619/1966, calquera persoa, dentro dos quince días seguintes á última publicación deste anuncio, que terá lugar no BOP, no Diario Oficial de Galicia e no diario local de maior circulación, así como os interesados en igual prazo, contando desde o día seguinte á notificación, ós que se lles enviará notificación individual, poderán aportar por escrito e por triplicado os datos oportunos para corrixir posibles erros na relación indicada, así como formula-las alegacións procedentes por razón do disposto nos artigos 25 e 26 do dito Decreto 2619/1966, polo que estará exposto o expediente, co proxecto da instalación, nesta dependencia, sita na Rúa Nova de Abaixo, 2, 36002 Pontevedra, en horas de oficina.

En todo caso os propietarios afectados poderán instar por medio desta delegación provincial, que o peticionario lles facilite os datos que considere precisos para a identificación e afección das súas propiedades.

Pontevedra, 18 de febreiro de 1997.

Ramón Álvarez Abad

Delegado provincial de Pontevedra

Relación de propietarios, bens e dereitos afectados

Expediente nº: 96/210 A.T.Provincia: Pontevedra

Liña 66 kV entrada Troncal (Redondela-Renfe)Concello: Redondela

en subestación Pazos de Borbén

ApoioVoo

NºParaxeCultivoNome e apelidosDomicilionºmmlm

ApoioVoo

NºParaxeCultivoNome e apelidosDomicilionºmmlm

1593