Visto o expediente para outorgamento de autorización administrativa, e aprobación do proxecto de execución da instalación eléctrica que se cita:

Solicitante: Unión Eléctrica-Fenosa, S.A.

Enderezo social: Severo Ochoa, 2, 15000 A Coruña.

Denominación: L.M.T., C.T. de Liñares.

Situación: Vilasantar.

Descricións técnicas: L.M.T. a 15/20 kV, de 378 m de lonxitude, que parte da L.M.T. denominada a C.T. Días e final no C.T. que se vai construír denominada Liñares.

C.T. de 50 kVA, tipo intemperie. Concello de Vilasantar.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

A Coruña, 13 de maio de 1997.

Juan I. Lizaur Otero

Delegado provincial da Coruña

4068