O Consello da Xerencia de Urbanismo deste concello, en sesión do día 3 de xaneiro de 1997, acordou aprobar inicialmente o estudio de detalle na rúa Placer, número 27, presentado por Alberto González Sáez e conforme a documentación elaborada polos arquitectos Pereiro e Ramilo, visado polo COAG o 14 de outubro de 1996, sometelo ó trámite de información pública polo prazo de quince días, mediante inserción de anuncios no DOG, BOP, un xornal dos de maior circulación da provincia e no taboleiro da
Casa do Concello, con notificación persoal ós propietarios e demais interesados directamente afectados.
Signifícase que o prazo de exposición ó público se entenderá aberto desde a primeira publicación ata o remate dos quince días contados desde o derradeiro anuncio. A documentación atópase na oficina de información da xerencia municipal de urbanismo ó dispor do público, planta baixa da Casa do Concello.
Vigo, 15 de maio de 1997.
Manuel Pérez Álvarez
Alcalde
3936