De conformidade co establecido no artigo 59.4º da Lei de réxime xurídico das administracións públicas e do procedemento administrativo común, polo

presente edicto ponse en coñecemento da empresa Suárez Vázquez, Javier, titular do expediente 1/93.0031.0001.N.0030003482, relativo á subvención ó tipo de xuro dun préstamo concedido por entidade financeira prestamista que, con data do 30 de setembro de 1996, a Dirección Xeral do Igape, de conformidade co disposto no artigo 84 da Lei de réxime xurídico das administracións públicas e do procedemento administrativo común, unha vez instruído o procedemento de incumprimento de condicións de concesión de subsidiación ó abeiro do convenio de apoio financeiro ás pequenas e medianas empresas do ano 1993 (DOG nº 59, do 29 de marzo de 1993), acordou iniciar trámite de audiencia.

O expediente pónselle de manifesto á entidade neste centro directivo sito en Santiago de Compostela, r/ Frei Rosendo Salvado, nº 16, baixo, logo de petición de hora, ó teléfono (981) 54 11 52 de luns a venres de 8.30 a 14 horas e concédeselle un prazo de quince días para que alegue e presente os documentos xustificantes que considere pertinentes ó seu dereito.

Santiago de Compostela, 29 de maio de 1997.

Diego Diz Fernández

Director xeral do Instituto Galego de Promoción Económica

4413