DOG 132 do 10/07/1997 - RESOLUCIÓN do 13 de xuño de 1997, da Dirección Xeral de Patrimonio Cultural, pola que se incoa expediente para a declaración de ben de interese cultural, coa categoría de lugar de interese etnográfico a favor dos muíños do Folón/Picón, sitos en Santa Mariña, no concello do Rosal, provincia de Pontevedra.

III. OUTRAS DISPOSICIÓNS

CONSELLERÍA DE CULTURA E COMUNICACIÓN SOCIAL

RESOLUCIÓN do 13 de xuño de 1997, da Dirección Xeral de Patrimonio Cultural, pola que se incoa expediente para a declaración de ben de interese cultural, coa categoría de lugar de interese etnográfico a favor dos muíños do Folón/Picón, sitos en Santa Mariña, no concello do Rosal, provincia de Pontevedra.

Vista a solicitude realizada polo Concello do Rosal, na que insta a declaración de ben de interese cultural

coa categoría de lugar de interese etnográfico, a favor dos muíños do Folón/Picón, sitos en Santa Mariña, no concello do Rosal, provincia de Pontevedra.

Vistos os informes dos servicios técnicos desta dirección xeral, así como dos órganos consultivos da Consellería de Cultura e Comunicación Social en materia de bens culturais, sendo uns e outros favorables á incoación do expediente de declaración de ben de interese cultural.

Ó abeiro do disposto no capítulo I, título I, da Lei 8/1995, do 30 de outubro, do patrimonio cultural de Galicia, esta dirección xeral,

RESOLVE:

Primeiro.-Incoar expediente para a declaración de ben de interese cultural, coa categoría de lugar de interese etnográfico, a favor dos muíños do Folón/Picón, sitos en Santa Mariña, concello do Rosal, provincia de Pontevedra.

Segundo.-Delimita-la zona afectada pola mentada incoación do xeito que se especifica literal e graficamente nos anexos I e II de presente resolución.

Terceiro.-Continua-la tramitación do expediente segundo as disposicións vixentes.

Cuarto.-Dar traslado da resolución ó alcalde do concello do Rosal, provincia de Pontevedra, e notificarlle que, segundo o disposto no artigo 10.3º da Lei 8/1995, do 30 de outubro, do patrimonio cultural de Galicia, a incoación dun expediente para a declaración dun ben de interese cultural determinará, respecto do ben afectado, a aplicación inmediata e provisional de réxime de protección previsto na presente lei para os bens xa declarados. No caso de bens inmobles, ademais, será aplicable o estipulado no artigo 35.1º da presente lei.

Quinto.-Notificárlle-la presente resolución ós interesados, ó Rexistro Xeral de Bens de Interese Cultural do Estado, e ó Rexistro de Bens de Interese Cultural de Galicia.

Sexto.-A presente resolución será publicada no Diario Oficial de Galicia e no Boletín Oficial del Estado, abríndose un período de información pública de l mes, contado a partir do día seguinte ó da súa publicación no Diario Oficial de Galicia.

Santiago de Compostela, 13 de xuño de 1997.

Ángel Sicart Giménez

Director xeral de Patrimonio Cultural

ANEXO I

A definición do ámbito de protección integral do conxunto etnográfico dos muíños de Folón efectúase a través dunha liña delimitadora en forma de poligonal complexa, con vértices nos puntos sinalados como A, B, C, D, E, F, G, H, I, J, K, tal e como se especifica a continuación:

Vértice A: situado ós 41 graos, 57 minutos, e 58 segundos de latitude norte e 8 graos, 50 minutos

e 25 segundos de lonxitude oeste, sobre liña de cota + 310,00 e camiño forestal ó norte do conxunto etnográfico.

Vértice B: desde o vértice A, seguindo en dirección SO o camiño forestal descrito, entre liñas de cota +310,00 e +300,00 aproximadamente. Situado ós 41 graos, 57 minutos e 53 segundos de latitude norte e 8 graos, 50 minutos e 33 segundos de lonxitude oeste, sobre liña de cota + 306,50.

Vértice C: desde vértice B, sen cota +306,50, seguindo liña de máxima pendente en dirección SE, ata cota + 260,00.

Vértice D: desde vértice C, en cota +260,00, seguindo liña de máxima pendente en dirección SE, ata líña de cota +180,00.

Vértice E: desde vértice D, seguindo liña de cota +150,00, en dirección NO, ata atoparse co leito de regato. Situados ós 41 graos, 57 minutos e 37 segundos de latitude norte e ós 8 graos, 50 minutos e 38 segundos de lonxitude oeste.

Vértice F: desde vértice E, seguindo camiño veciñal cara ó barrio de San Martiño e lugar da Arrotea, en dirección SE ata liña de cota + 180,00. Situado ós 41 graos, 57 minutos, e 25 segundos de latitude norte e ós 8 graos, 50 minutos e 22 segundos de lonxitude oeste.

Vértice G: desde vértice F, seguindo liña de máxima pendente en dirección leste, ata camiño forestal de acceso ós muíños pola marxe esquerda do río Folón, sobre cota + 110,00.

Situado ós 41 graos, 57 minutos e 22 segundos de latitude norte e ós 8 graos, 50 minutos e 20 segundos de lonxitude oeste aproximadamente.

Vértice H: desde vértice G, seguindo en dirección sur o camiño forestal de acceso ós muíños, ata atoparse con camiño rodado que comunica o barrio de Martín co Picán e Cruces.

Vértice I: seguindo, desde vértice G en dirección leste, o camiño rodado desde Martín ó Picán e Cruces, ata a ponte que cruza o río Folón.

Vértice J: desde vértice I, seguindo en traxectoria ascendente o acceso ós muíños pola marxe dereita do río Folón, ata chegar a liña de cota +290,00.

Vértice K: desde vértice J, sobre liña de cota + 290,00 seguindo liña de máxima pendente en dirección NO, ata chegar ó camiño forestal, sobre liña de cota +330,00.

Situado aproximadamente a 41 graos, 57 minutos e 55 segundos de latitude norte e ós 8 graos, 50 minutos e 25 segundos de lonxitude oeste.

Peche da poligonal: desde o vértice K, seguindo camiño forestal en dirección NO chegamos ó vértice A, de inicio da poligonal, nos 41 graos, 57 minutos e 58 segundos de latitude norte e ós 8 graos 50 minutos e 25 segundos de lonxitude oeste.

5142