Pola Orde do 31 de xaneiro de 1997 (DOG do 12 de febreiro), convócanse e aprobánse as bases que rexerán a convocatoria de axudas para o establecemento de convenios de colaboración con institucións públicas e privadas sen fins de lucro para a realización de programas de investigación.

Na súa virtude, de acordo co establecido nas bases da convocatoria e atendendo á proposta elaborada pola Comisión de Selección de Política Científica creada polo Decreto 160/1991, do 16 de maio (DOG do 28 de maio) e orde da Consellería de Educación

e Ordenación Universitaria do 30 de xaneiro de 1997 (DOG do 130 de febreiro), esta dirección xeral,

RESOLVE:

Primeiro.-Facer pública a relación de beneficiarios seleccionados para a concesión das ditas axudas co fin de realiza-la actividade que se indica en cada caso:

-Asociación Nacional de Fabricantes de Conservas de Pescados e Mariscos (Anfaco) Programa: bolsa para colaborar no proxecto de investigación de cuantificación do nivel contaminante das industrias conserveiras de productos da pesca na provincia da Coruña. Contía da axuda: 775.000 ptas.

-Fundación Caixa Galicia-Claudio San Martín. Programa: bolsas para a formación de investigadores en Francia. Contía da axuda: 8.000.000 de ptas.

-Asociación para o fomento da investigación cerámica en Galicia (Aficega). Programa: bolsas para colaborar nos proxectos de investigación en temas de cerámica avanzada. Contía da axuda: 1.500.000 ptas.

-Delegación en Galicia co Consello Superior de Investigación Científica (CSIC). Programa: bolsas de posdoutoramento. Contía da axuda: 9.000.000 de ptas.

-Universidade de Santiago de Compostela. Programa: bolsas de posdoutoramento. Contía da axuda: 11.000.000 de ptas.

-Universidade de Santiago de Compostela. Programa: axuda aberta. Contía da axuda: 725.000 ptas.

-Universidade da Coruña. Programa: bolsas de posdoutoramento. Contía da axuda: 9.000.000 de ptas.

-Universidade da Coruña. Programa: axudas complementarias para proxectos de investigación financiados parcialmente en convocatorias internacionais, comunitarias e nacionais. Contía da axuda: 3.000.000 de ptas.

-Universidade de Vigo: Programa: axudas complementarias para proxectos de investigación financiados parcialmente en convocatorias internacionais, comunitarias e nacionais. Contía da axuda: 7.000.000 de ptas.

Segundo.-De acordo co disposto no artigo 5 da orde de convocatoria, a concesión das axudas será efectiva a partir da sinatura dun convenio específico que se subscribirá entre a Consellería de Educación e Ordenación Universitaria e cada unha das institucións beneficiarias.

Terceiro.-Unha vez rematado o curso 1997/1998 e no prazo máximo de dous meses, as institucións beneficiarias deberán remitirlle á Dirección Xeral de Universidades e Investigación unha memoria na que se detalle o investimento das axudas concedidas.

Cuarto.-A inobservancia por parte dos beneficiarios de calquera das bases establecidas na orde de

convocatoria do 31 de xaneiro de 1997, suporá a perda do dereito a percibi-la subvención correspondente.

Quinto.-Contra a presente resolución os interesados poderán interpoñer recurso ordinario perante o conselleiro de Educación e Ordenación Universitaria no prazo dun mes contado a partir do día seguinte ó da súa publicación no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 9 de xullo de 1997.

José Manuel Touriñán López

Director xeral de Universidades e Investigación

5589