A Escola Galega de Administración Pública organiza, en colaboración co Instituto Vasco de Administración Pública e a Escola Catalana de Administración Pública, un seminario sobre o uso da lingua nas administracións públicas que se desenvolverá conforme as seguintes bases:
Primeira.-Obxectivos.
Os principais obxectivos de este seminario son os seguintes:
-Coñecer diversas experiencias europeas -algunhas delas con linguas minorizadas e minoritarias- e posibles solucións no campo do uso da lingua na administración.
-Reflexionar acerca da situación do uso da lingua nas administracións públicas das comunidades autónomas de Cataluña, Galicia e País Vasco.
-Mellora-los coñecementos e habilidades dinamizadoras dos responsables da normalización lingüística nas administracións públicas.
Segunda.-Destinatarios.
-Responsables dos servicios de normalización lingüística das administracións públicas.
-Profesores de lingua para o persoal das administracións públicas.
-Persoal ó servicio das administracións públicas.
Terceira.-Datas e horarios.
O seminario terá lugar os días 29 e 30 de setembro, en sesións de mañá e tarde.
Cuarta.-Lugar e prazas.
Terá lugar na sede da EGAP en Santiago de Compostela. As prazas adaptaranse á capacidade do local correspondente.
Quinta.-Contido provisional.
-O uso da lingua nas administracións públicas catalana, galega e vasca.
-O uso da lingua nas administracións públicas de Finlandia, Suíza, Canadá, Holanda e Bélxica.
Sexta.-Inscrición.
-Lugar de presentación de solicitudes: Rexistro Xeral da EGAP. Polígono das Fontiñas, rúa de Madrid, 2-4, 15707 Santiago de Compostela. As solicitudes poderanse enviar ó fax ó número (981) 54 63 37.
-Forma: segundo o modelo oficial que figura ó final desta convocatoria.
-Prazo: remata o 22 de setembro. Unha vez rematado o prazo e no caso de existiren prazas vacantes, admitiranse as peticións que cumpran os requisitos xerais da convocatoria.
Sétima.-Publicación e notificación da selección.
A partir do 25 de setembro os solicitantes poderán obte-la confirmación da súa selección chamando por teléfono en días laborales de 12 a 14.30 h ó número (981) 54 62 49 ou ben consultando a lista de seleccionados que se exporá no taboleiro de anuncios da EGAP.
Oitava.-Modificacións.
A EGAP poderá modifica-lo desenvolvemento e mailos contidos do seminario para adaptalos ás necesidades da Administración e ás continxencias que poidan xurdir.
Santiago de Compostela, 14 de xullo de 1997.
Domingo Bello Janeiro
Director da Escola Galega de Administración Pública
6088
