A Dirección Xerencia de Atención Primaria de Lugo, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG nº 111 do 6 de xuño), e unha vez cumpridos os trámites administrativos correspondentes, resolve anuncia-la contratación que a seguir se cita.

Obxecto.

Centro de Saúde de Vilalba: 3.000 m.

Centro de Foz (Casa do Mar, locais de asistencia sanitaria): 360 m.

Centro de Burela (Casa do Mar, locais de asistencia sanitaria): 1.200 m.

Centro de San Cibrao (Casa do Mar, locais de asistencia sanitaria): 185 m.

De acordo co contido do prego de prescricións técnicas e normas complementarias. C.P. 4/1997.

Orzamento: máximo autorizado de dez millóns cincocentas mil pesetas (10.500.000 ptas.), IVE incluído.

Forma de adxudicación: concurso público, procedemento aberto, polo trámite de urxencia.

Prazo de execución do contrato: o comprendido entre as sinaturas do contrato, desde a adxudicación e o 31-12-1997.

Admisión de variantes: non se admiten variantes.

Documentos de interese para os licitadores: o prego de cláusulas administrativas particulares e demais documentación complementaria estarán de manifesto e á disposición dos concursantes para o seu exame no Servicio de Subministracións da Xerencia de Atención Primaria de Lugo, praza do Ferrol nº 11, 4ª planta, 27001 Lugo. Teléfono (982) 29 62 29 e 29 62 19; fax (982) 24 24 16; tódolos días laborables, agás sábados, de 9 a 14 horas.

Fianzas: o equivalente ó 2% do orzamento que se licita.

Un total de 210.000 ptas.

Solvencia económica e financeira: deberá acreditarse polos medios previstos no artigo 16 da Lei 13/1995, de contratos das administracións públicas.

Solvencia técnica: deberá acreditarse polos medios previstos no artigo 19 da Lei 13/1995, de contratos das administracións públicas.

Criterios de adxudicación:

Prezo: ata 17 puntos.

Medios materiais e medidas de seguridade: ata 6 puntos.

Metodoloxía, acreditación e aseguramento da calidade: ata 5 puntos.

Formación do persoal: ata 2 puntos.

Clasificación: non se precisa.

Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no Rexistro da Xerencia de Atención Primaria de Lugo, antes das 14 horas do décimo terceiro día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos, conforme o artigo 38.4º, apartado c) da Lei 30/1992, do 26 de novembro, de réxime xurídico das administracións públicas e do procedemento administrativo común e artigo 205 do Regulamento de correos aprobado por Decreto 1563/1964, do 14 de maio, modificado no seu apartado 3 do Decreto 2655/1985, do 27 de decembro, e anunciarlle á Xerencia de Atención Primaria a remisión da oferta mediante fax (982) 24 24 16, ou telegrama no mesmo día, de conformidade co artigo 100 do Regulamento xeral de contratación do Estado.

Apertura das proposicións: terá lugar no salón de actos desta Xerencia de Atención Primaria de Lugo a partir das 10 horas do décimo primeiro día natural contado desde o seguinte a aquél no que remate o prazo de presentación de ofertas; no caso de que o dito día coincida en sábado ou festivo, a apertura das proposicións terá lugar o día hábil seguinte.

Documentación que achegarán os licitadores: os documentos que figuran no prego de cláusulas administrativas particulares.

Anuncios: o pagamento do anuncio do presente concurso público será por conta do adxudicatario do contrato.

Lugo, 16 de setembro de 1997.

Lorenzo Armenteros del Olmo

Director gerente de Atención Primaria

7320